विवाहीत महिलेच्या आत्महत्येप्रकरणी पतीवर गुन्हा दाखल

। महाड । प्रतिनिधी ।
महाड तालुक्यातील काचले या गावातील दर्शना रघुनाथ शेलार (26) या विवाहीत महिलेने 16 ऑक्टोबर रोजी उंदीर मारण्याचे औषध प्राशन करुन आत्महत्या केली. त्यानंतर अलिबाग येथील जिल्हा रुग्णालयामध्ये उपचार करण्यात येत असताना तीचा मृत्यु झाला. या प्रकरणी विशाल कदम यांनी दिलेल्या फिर्यादी वरुन मयत महिलेच्या पती विरोधात गुन्हा दाखल करण्यात आला आहे. या महिलेवर महाड ग्रामिण रुग्णालयामध्ये उपचार करण्यात आले परंतु तीची प्रकृती अधिकच गंभीर झाल्याने दर्शनाला प्रथम माणगाव उप जिल्हा रुग्णालयामध्ये दाखल करण्यात आले. त्यानंतर अलिबाग येथील जिल्हा रुग्णालयामध्ये उपचार करण्यात आले. या मृत्युची नोद महाड शहर पोलिस ठाण्यामध्ये करण्यात आली. या बाबत विशाल विजय कदम यांनी दिलेल्या खबरीप्रमाणे पतीने केलेल्या मानसिक आणि शारिरीक छळा मुळे दर्शना हीने विषारी औषध प्राशन करुन आपले जीवन संपविले अशी तक्रार दर्शनाचे वडीत विजय विठ्ठल कदम यांनी दिल्या नंतर पती नवनाथ प्रभाकर शेलार याच्या विरोधांत गुन्हा दाखल करण्यांत आला आहे.