पाली शहरात अवैध पार्किंग
कारवाई होणार का?; पालीकरांचा नगरपंचायतीला सवाल
। सुधागड-पाली । वार्ताहर ।
अष्टविनायकांपैकी एक बल्लाळेश्‍वराचे स्थान असलेले पाली शहर सुधागड तालुक्याची मुख्य बाजारपेठ असल्यामुळे असल्याने येथे गर्दी असते. त्यामुळे शहरात अवैध पार्किंगची समस्या अधिक बिकट बनली आहे. वारंवार वाहतूक कोंडी होऊन वाहनचालक पादचारी गैरसोय होत आहे. हटाळेश्‍वर चौक ते गांधी चौका कडे जाणार्‍या मार्गावर अवैध पार्किंग व रस्त्यालगत दुकानदारांचे अतिक्रमण वाढत जात आहेत. वाहनांना व पादचार्‍यांना मार्ग काढताना तारेवरची कसरत करावी लागत आहे. अशा अवैध पार्किंग करणार्‍या व रस्त्यालगत अतिक्रमण करणार्‍या दुकांनदारांवर कारवाई होणार का? असा सवाल पालीकर नगरपंचायतीला विचारत आहेत.
अनेकवेळा वर्तमानपत्रातून वारंवार बातम्याच्या माध्यमातून समस्यांकडे लक्ष वेधले आहे. आजतागायत या गंभीर समस्यांकडे पाली नगरपंचायत याबाबत कोणतेही पाऊल उचलले नाही. येथील बाजारपेठ रस्ता, गांधी चौक रस्ता, जुना एसटी स्टँड परिसर या ठिकाणी मोठ्या प्रमाणात दुचाकी अवैधरित्या पार्किंग केली असतात. नो पार्किंगचा फलक काही ठिकाणी बसविण्यात आले असले तरी त्याकडे सर्रास दुर्लक्ष होताना दिसत आहे. काही ठिकाणी दुकान दुकानसोडून पुढेपुढे सरकत रस्त्यालगत दुकाने थाटून बसात आहेत. परिणामी इथून जाणार्‍या येणार्‍या वाहनांना पादचार्‍यांना रस्त्यावरून मार्ग काढताना अडचणी येतात आहेत. तरी या अवैध पार्किंग विरोधात कारवाई व्हावी रस्ता रस्त्यांनी मोकळा श्‍वास घ्यावा संबंधित प्रशासनाने लक्ष द्यावे अशी मागणी पालीकर जनतेतून होत आहे.
