इमेज कॅलेंडर 2022 दिनदर्शिका प्रकाशन सोहळा

12 विजेत्यांचा मान्यवरांच्या हस्ते करण्यात आला सन्मान
। अलिबाग । विशेष प्रतिनिधी ।
नैसर्गिक पर्यटन स्थळे पाहण्यासाठी देश विदेशातील पर्यटक रायगड जिल्ह्यात दाखल होतात. रायगडातील प्रसिद्धीच्या झोतात नसलेली नैसर्गिक पर्यटन स्थळे जगासमोर आणण्याचे कार्य इमेज कॅलेंडर संस्था करीत आहे. त्यांच्या छायाचित्र स्पर्धेतून परीक्षण केलेली छायाचित्रे पर्यटन स्थळांच्या नकाशावर आणि यादीमध्ये रायगड जिल्ह्याची नवी ओळख  तयार करीत आहेत. निसर्गाची इमेज कलेंडरमध्ये प्रसिद्ध करून जिल्ह्याच्या पर्यटनाला नवा आयाम मिळवून देणारी आहेत असे प्रतिपादन रायगड जिल्हा मध्यवर्ती सहकारी बँकेचे मुख्यकार्यकारी अधिकारी प्रदीप नाईक यांनी केले. इमेज कॅलेंडर 2022 प्रकाशन सोहळा रायगड जिल्हा मध्यवर्ती सहकारी बँकेच्या सभागृहात संपन्न झाला. यावेळी व्यासपीठावर अलिबाग नगरपरिषदेचे नगराध्यक्ष प्रशांत नाईक, रायगड जिल्हा माहिती अधिकारी मनोज सानप, रमेश कांबळे, जितेंद्र शिगवण, समीर मालोदे, हर्षद कशाळकर, प्रफ्फुल पवार, प्रकाश सोनवडेकर, महेश पोरे, अविनाश घाडगे,  सुवर्णा दिवेकर, प्रमोद जाधव, अमोल नाईक, सचिन पावशे, संदीप जगे, अलिबाग मधील सर्व वृत्तपत्रांचे पत्रकार, छायाचित्रकार आणि विजेते स्पर्धक आदी मान्यवर उपस्थित होते. यावेळी उपस्थित मान्यवरांच्या हस्ते विजेत्या स्पर्धकांचा सन्मान करण्यात आला.