2024च्या निवडणुकीत इंडिया आघाडीचाच विजयः नाना पटोले
| खारेपाट | वार्ताहर |
2024 च्या निवडणूकीत इंडिया आघाडी विजयी होणार, असा विश्वास महाराष्ट्र प्रदेश काँग्रेसचे अध्यक्ष नाना पटोले यांनी अलिबाग येथे व्यक्त केला. अलिबाग येथील काँग्रेस भवन येथे कार्यकर्त्यांची आढावा बैठक पार पडली. त्याप्रसंगी मार्गदर्शन करताना नाना पटोले बोलत होते.
भाजपा सरकारला जनता कंटाळली आहे. आता जनतेपर्यंत जाणे गरजेचे आहे. आपण स्वबळावर लढणे आवश्यक आहे, मात्र मित्र पक्ष लढणार असेल तेथे वेगळा विचार करता येईल, असे पटोल यांनी सांगितले. निवडणूका जिंकायच्या असतील, तर आपल्याला बूथ कमिट्या सक्षम केल्या पाहीजेत, असेही त्यांनी सांगितले.
माजी आमदार स्वर्गीय मधुकर ठाकूर यांनी काँग्रेस पक्षाला मोठी ताकद दिली. तसेच, त्यांच्या आमदारकीच्या कालावधीत जनतेच्या विकास कामांसाठी आमदार निधीतून मोठया प्रमाणात कामे झाली आहेत. राज्यात आणि केंद्रात काँग्रेस सत्तेमध्ये होती. त्यावेळी करण्यात आलेली लोकपयोगी कामे आज जनतेपर्यंत प्रत्येक कार्यकर्त्यांनी पोचवली पाहीजेत, अशा सूचना त्यांनी केल्या. नुकत्याच झालेल्या ग्रामपंचायत निवडणूकीत विजयी झालेल्या सरपंच, उपसरपंच, सदस्य यांचा सन्मान पटोले यांच्याहस्ते करण्यात आला.
दरम्यान, कार्यक्रमाच्या सुरुवातीला काँग्रेसच्या माजी प्रधानप्रंधी स्व. इंदिरा गांधी यांना आदरांजली वाहण्यात आली. याप्रसंगी खारेपाट, अलिबाग व जिल्ह्यातील मोठया संख्येने काँग्रेसचे पदाधिकारी, कार्यकर्ते व महिला वर्ग उपस्थित होते.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.