| भिवंडी । प्रतिनिधी।
मुंबई-नाशिक महामार्गावर भिवंडी तालुक्यातील खडवली गावाच्या क्रॉसिंगवर कंटेनर आणि प्रवासी वाहतूक जीपचा भीषण अपघात झाला. या अपघातात जीपमधील 4 प्रवाशांचा मृत्यू झाला असून 5 जण जखमी झाले आहेत.
मुंबई-नाशिक महामार्गावरील ट्रक आणि काळी पिवळीचा भीषण अपघात झाला आहे. खडवली फाट्याजवळ रस्ता क्रॉस करत असताना भरधाव वेगात येणाऱ्या ट्रेलरने काळी पिवळीला जोरदार धडक दिली. ही धडक इतकी भीषण होती की, काळी पिवळी जीप सुमारे 60 फूट दूर फेकली गेली. थरकाप उडवणारी ही घटना मंगळवारी (दि.18) सकाळी 8 वाजेच्या सुमारास घडली आहे. या भीषण अपघातात 4 जणांचा जागीच मृत्यू झाला असून 8 जण जखमी झाले आहेत.
दरम्यान, या अपघाताची माहिती मिळताच स्थानिक पोलीस स्टेशनचं पथक घटनास्थळी दाखल झालं. त्यांनी पंचनामा करत चारही मृतदेह शवविच्छेदनासाठी शासकीय रुग्णालयात रवाना केले आहेत. तर, जखमींना रुग्णालयात उपचारासाठी दाखल केलं आहे. या प्रकरणाचा पुढील तपास पोलिसांनी सुरु केला आहे.
मुंबई-नाशिक महामार्गावर जीपचा भीषण अपघात; 4 प्रवाशांचा मृत्यू
