धामनसई कबड्डी स्पर्धेत कालभैरव गोकूळवाडा विजयी

| पाली/गोमाशी | वार्ताहर |
शिवशक्ती मित्र मंडळ इंदरदेव धामनसई येथे रायगड जिल्हा धनगर समाज असोसिएशनच्या माध्यमातून भव्य कबड्डी स्पर्धाचे आयोजन शनिवार (24 ) रोजी करण्यात आले होते. या स्पर्धेत 16 संघाने सहभाग नोंदवला होता. या स्पर्धेतील अंतिम लढत गोकूळवाडा अ आणि मिलगाव ब या दोन संघात झाली. या अटीतटीच्या लढतीत दोन्ही संघाच्या खेळाडूंनी आपला बहारदार खेळ केला.

या स्पर्धेतील प्रथम क्रमांक गोकुळवाडा अ या संघास रोख रक्कम सात हजार व चषक, द्वितीय क्रमांक मिलगाव ब संघास रोख रक्कम पाच हजार व चषक,तृतीय क्रमांक सोनारशेत संघास रोख रक्कम तीन हजार व चषक,चतुर्थ क्रमाक गौळमाल अ संघास रोख रक्कम तीन हजार व चषक देऊन गौरविण्यात आले. या स्पर्धेतील मालिकावीर महेश खरात (गोकुळवाडा) तर उत्कृष्ट चढाईदार दर्शन आखाडे (मिलगाव) उत्कृष्ट पक्कड आकाश ढेबे (गोकुळवाडा) या खेळाडूंना आकर्षक चषक देऊन सन्मानित करण्यात आले.