किहीम भंडारआळीमध्ये विविध धार्मिक कार्यक्रमांचे आयोजन
। अलिबाग । प्रतिनिधी ।
अलिबाग तालुक्यातील किहीम-भंडारआळी येथे काळभैरव मंदिराचा जीर्णोध्दार सोहळा मंगळवारी (दि.10) होणार आहे. यानिमित्त 13 डिसेंबरपर्यंत चार दिवस विविध धार्मिक कार्यक्रम होणार असल्याची माहिती आयोजकांनी दिली.
मंगळवारी (दि.10) सकाळी आठ वाजता पुण्याहवाचन, देवता स्थापन, धान्य निवास, जलाधी निवास, हवन आदी धार्मिक विधी होणार आहेत. बुधवारी (दि. 11) डिसेंबरला सकाळी आठ वाजण्याच्या सुमारास पुण्याहवाचन, देवता स्थापन, कलश अभिषेक, कलाशारोहण, देवता विवाह, धार्मिक विधी केली जाणार आहे. त्यानंतर सायंकाळी कामथ येथील श्री हनुमान प्रासादिक बालमित्र भजन मंडळ, श्रीकाळभैरव प्रासादिक भजन मंडळ श्री चामुंडा देवी भजन मंडळ, श्री वेताळेश्‍वर प्रासादिक भजन मंडळ, ब्राह्मण आळीमधील एकादशी भजन मंडळ यांचे भजन होणार आहे. गुरुवारी (दि.12) रात्री नऊ वाजण्याच्या सुमारास आवासमधील पाठक आळी येथील श्री सिध्देश्‍वर प्रासादिक भजन मंडळ, नगरमधील भक्ती संगीत प्रासादिक भजन मंडळाची भजने होणार आहेत. शुक्रवारी (दि.13) रात्री नऊ वाजण्याच्या सुमारास आनंद गंधर्व, आनंद भाटे, कल्याणी जोगळेकर यांचा आनंदगायनाचा कार्यक्रम होणार असल्याची माहिती आयोजकांनी दिली.