ममता बॅनर्जी अडकल्या विवाह बंधनात

सोशलिझमसोबत लग्नगाठ; कम्युनिझम आणि लेनिनिझमही उपस्थित
। चेन्नई । वृत्तसंस्था ।
पश्‍चिम बंगालच्या मुख्यमंत्री ममता बॅनर्जी यांच्या नावाशी साधर्म्य साधणार्‍या एका तरुणीनं सोशलिझम नावाच्या एका तरुणाशी विवाह रचलाय. तामिळनाडूमध्ये हा राजकीय नावांशी ताळमेळ साधणार्‍यांचा हा अनोखा विवाह सोहळा पार पडला. वधुचं नाव पी ममता बॅनर्जी असं आहे. ममता यांनी इंग्रजी साहित्यातून पदवीपर्यंतचं शिक्षण घेतलंय. तसंच पी ममता बॅनर्जी यांचे कुटुंबीय काँग्रेस समर्थक असल्याचं समजतंय.

पश्‍चिम बंगालच्या सद्य मुख्यमंत्री ममता बॅनर्जी या काँग्रेसमध्ये असताना वधुच्या आई-वडिलांनी आपल्या मुलीचं नाव मममताफ ठेवण्याचा निर्णय घेतला होता. आता, मात्र पश्‍चिम बंगालच्या मुख्यमंत्री ममता बॅनर्जी या मतृणमूल काँग्रेसफच्या अध्यक्ष आहेत. शाळेपासून आपले मित्र – मैत्रिणी आपल्याबद्दल पश्‍चिम बंगाल मुख्यमंत्री ममता बॅनर्जी यांच्या नावाशी साधर्म्य असल्यावरून चर्चा करत होते. मी अनेकदा त्यांना बातम्यांतही पाहिलंय. त्या एक सशक्त महिला आहेतफ असं पी ममता बॅनर्जी यांनी म्हटलंय.

पी ममता बॅनर्जी यांचे पती सोशलिझम 29 वर्षांचे आहेत. तसंच ते वधुचे नातेवाईकही आहेत. त्यांनी बी कॉममध्ये पदवी प्राप्त केलीय. तसंच त्यांचा चांदीच्या वस्तूंचा व्यवसाय आहे. सोशलिझम यांचे वडील मोहन सलेम सीपीआयचे जिल्हा सचिव आहेत. सोव्हियत संघ तुटल्यानंतर त्यांनी आपल्या मुलाचं नाव मसोशलिझमम असं ठेवलं होतं. त्यांच्या इतर दोन मुलांची नावं म

कम्युनिझम आणि लेनिनिझम अशी आहेत. आपला विवाह होण्यापूर्वीच आपल्या मुलांच्या नावांचा आपण विचार केल्याचं मोहन सलेम सांगतात. करोना संसर्गाच्या पार्श्‍वभूमीवर अत्यंत साधेपणानं हा विवाह सोहळा पार पडला. वधु-वरांची नावं राजकीय प्रतिस्पर्धींशी साधर्म्य साधणारी असली तर या दोघांच्या विवाहिक जीवनावर मात्र त्याचा परिणाम होणार नाही, असं दोन्ही कुटुंबांचं म्हणणं आहे.