मिनीबसची एसटीला धडक सातजण जखमी

माणगांव | प्रतिनिधी |
माणगांवनजीक मुगवली गावच्या हद्दीत नायरा पेट्रोल पंपासमोर पुलावर विरुद्ध दिशेला येत मिनीबस आणि एसटी यांची समोरासमोर धडक झाली. अपघातात एसटी बसमधील सात प्रवासी जखमी झाले. हा अपघात (23 फेब्रुवारी ) मध्यरात्री सव्वा एकच्या सुमारास घडला.
पुण्याहून महाडकडे निघालेली मिनी बस (एम.एच.14-सीडब्लू 5508 ) या गाडीवरील चालक दिनेश दत्तात्रेय घबाड (वय 32) पिंपरी चिंचवड यांनी रस्त्याच्या परिस्थितीकडे दुर्लक्ष करून आपल्या ताब्यातील वाहन चालवून विरुद्ध दिशेला येत समोरून येणारी देवगड ते नालासोपारा एसटी बसला सामोरा समोर धडक दिली. अपघातात एसटी बसमधील विनायक विष्णू साटम (वय 60) रा.देवगड जि. सिंधुदुर्ग, माया देवदास गोसावी (वय 32) रा.कुडाळ जि. सिंधुदुर्ग,शुभांगी रमेश तावडे (वय 69),रमेश महादेव तावडे (वय 73) दोन्ही रा. राजापूर जि. रत्नागिरी, उज्वला उदय चौगुले (वय 55), उदय धोंडू चौगुले (वय 51)दोन्ही रा. सिंधुदुर्ग, दिनेश मनोहर कदम (वय 39) साईनगर माणगांव सध्या रा.विरार जि. ठाणे हे सात प्रवासी जखमी झाले.या अपघाताची नोंद माणगांव पोलीस ठाण्यात दाखल करण्यात आली असून अधिक तपास पोलीस निरीक्षक राजेंद्र पाटील यांच्या मार्गदर्शन खाली पोलीस हवालदार प्रफुल पवार हे करीत आहेत.