मोबाईलसाठी टेरेसवरून ढकलून खून

आरोपीस अटक
पनवेल | वार्ताहर |
मानसिक आजाराने त्रस्त असलेल्या एका इसमाचा मोबाईल आणि स्पीकर बॉक्स चोरी करण्याच्या उद्देशाने त्यास सदर इमारतीचे टेरेसवर घेवून जावून मोबाईल व स्पीकर बॉक्स जबरीने चोरून त्याला इमारतीचे टेरेसवरुन ढकलून देउन गंभीर दुखापत करुन खुन केला असून याप्रकरणी पनवेल शहर पोलिसांनी आरोपीला तात्काळ अटक केली आहे.हा प्रकार साई डेव्हलपर्सची काम बंद पडलेली इमारत, साईनगर, ता.पनवेल येथेे घडला.
या दुर्घटनेत युवक प्रथमेश रमेश राणे (19) हा मरण पावला असून,त्याच्या मृत्यूस कारणीभूत ठरलेल्या आदित्य अजित शेकाटे (रा.परदेशी आळी) याला अटक केले आहे. त्याला न्यायालयात हजर केले असता न्यायालयाने 8 नोव्हेंबर पर्यंत पोलीस कोठडी दिले आहे.
याबाबतची माहिती गणेश जोमा म्हात्रे,एव्हरेस्ट सोसायटी, साईनगर, यांनी पोलिसांना दिली.गणेश म्हात्रे हे त्यांच्या घरातील हॉलमधील खिडकीसमोर उभे राहून त्यांचा मित्र उदित जेठवा यांच्याशी फोनवर बोलत असताना त्यांना बिल्डींग समोर असलेल्या साई डेव्हलपर्स यांचे काम बंद पडलेल्या इमारतीच्या टेरेसवरून एक इसम खाली पडताना दिसला. म्हणून त्यांनी बारकाईने पाहिले असता, एक इसम मोबाईलची टॉर्च लाईट लावून खाली उतरताना दिसला. त्याचा गणेश म्हात्रे यांना संशय आल्याने त्यांनी त्यांच्या मोबाईलमधून उतरून जाणार्‍या इसमाचे व्हिडीओ रेकॉर्ड केले व तात्काळ मित्रास व पनवेल शहर पोलीस ठाणे येथे माहिती दिली.
पोलिसांनी तातडीने कारवाई करीत आरोपीला अटक केली.त्यावेळी आरोपीने दिलेल्या माहितीनुसार आदित्य अजित शेकाटे याने प्रथमेष रमेष राणे याचा मोबाईल व स्पीकर बॉक्स जबरी चोरी करण्याचे उद्देशाने त्याला साई डेव्हलपर्स यांचे काम बंद इमारतीचे टेरेसवर घेऊन गेला आणि तेथेे जावून त्याचा मोबाईल व स्पीकर बॉक्स जबरीने चोरला. याबाबत इतर कोणालाही सांगू नये म्हणून त्याला इमारतीचे टेरेसवरुन ढकलून देउन गंभीर दुखापत करुन खून केला. सदर गुन्ह्याचा तपास तपासाच्या अनुषंगाने पोनि संजय जोशी, सपोनि गणेश दळवी, सपोनि निशांत धनवडे, पोउपनि गणेश फरताडे, पोउपनि दयानंद महाडेश्‍वर, पोउपनि मनोज महाडीक, पोहवा प्रकाश म्हात्रे, पोहवा अमोल डोईफेाडे, पोशि आजिनाथ मिसाळ यांनी केला.