। चिपळूण । प्रतिनिधी ।
मंडणगड येथे शनिवार 12 जून रोजी नैसर्गीक आपत्ती व मेडीकल इर्मजंसी,व अन्य सर्व प्रकारच्या आपत्तीचे व्यवस्थापन करण्यासाठी राष्ट्रवादी काँग्रेस पार्टीच्या माध्यमातून तालुकापातळीवर रेस्क्यु टिमेच्या माध्यमातून युवकांचे संघटन कार्यरत करत असल्याचे प्रतिपादन माजी आमदार संजय कदम यांनी 12 जुन 2021 रोजी मंडणगड येथे केले. पार्टीच्या शहरातील कार्यालयात तालुक्यातील पत्रकारांना मास्क सँनिटायझर,विपोरायझर या वस्तुंचे वाटप करण्यात आले यावेळी त्यांनी तालुक्यातील आरोग्य सुविधाचा आढावा घेतला व विविध समस्यांचे निवारण करण्याकरिता शक्य ती मदत करण्याचे आश्वासनही दिले.यावेळी बोलताना ते पुढे म्हणाले की राष्ट्रवादी रेस्क्यु टिम तालुकावासीयांना विविध समस्यांमध्ये मदत करणार आहे याकरिता पार्टीतील पन्नासहून अधिक युवा व सक्षम कार्यकर्त्यांची टिम उभी करण्यात आली असून ती वेगवेगळ्या आपत्तीत मदत कार्य करणार आहे यासाठी गरज भासेल तेव्हा जेष्ठ कार्यकर्त्यांची मदत घेतली जाणार असून मदत कार्यासाठी आवश्यक साधन सामुग्री तालुका पातळीवर उपलब्ध करुन देण्यात येणार आहे.
या कार्यक्रमास राष्ट्रवादीचे जेष्ठे नेते भाई पोस्टुरे,माजी जि.प.सदस्य प्रकाश शिगवण,युवक जिल्हा उपाध्यक्ष युवराज जाधव,मा.उप नगराध्यक्ष राहुल कोकाटे,राकेश साळुंखे,रुपेश साळुंखे, सुभाष सापटे,सर्फराज चिपोलकर, मंडणगड युवक शहराध्यक्ष अंकुश सावर्डेकर,सुधीर हातमकर यांच्यासह पार्टीचे कार्यकर्ते उपस्थित होते.
ग्रामिण रुग्णालयास दहा बेड्स ग्रामिण रुग्णालयात कोव्हीड रुग्णालय सुरु करण्यात आल्याने दहा बेड्स कमी पडत असल्याची बाब निर्दशनास आणुन दिल्यावर तालुक्यास दहा बेड्स व नजीकच्या काळात तालुक्यातील 49 ग्रामपंचायतीस किमान प्रत्येकी 10 दहा पि.पी.ई. किट तसेच सँनिटायझर उपलब्ध करुन देण्याचे घोषणा माजी आमदार संजय कदम यांनी यावेळी केली.