नीरज चोप्राची अभिमानास्पद कामगिरी

डायमंड लीगमध्ये 90 मीटर भालाफेक

। नवी दिल्ली । वृत्तसंस्था ।

भारताचा गोल्डन बॉय नीरज चोप्रा याने दोहा डायमंड लीगमध्ये अभिमानास्पद कामगिरी केली आहे. पॅरिस ऑलिम्पिक स्पर्धेत नीरजला 90 मीटर लांबचे अंतर गाठता आले नव्हते आणि त्यामुळे त्याला रौप्यपदकावर समाधान मानावे लागले होते. मात्र, डायमंड लीगमधील तिसर्‍या प्रयत्नात त्याने 90.23 मीटर लांब भालाफेक केला.

लेफ्टनंट कर्नल नीरज चोप्राने ऑलिम्पिक, जागतिक अजिंक्यपद स्पर्धा आणि आशियाई खेळांमध्ये दुहेरी पदक विजेता आहे. त्याने एकदा डायमंड लीग जिंकली आहे. निरजने 2020 च्या ऑलिम्पिकमध्ये सुवर्णपदक जिंकले आणि असे करणारा तो पहिले आशियाई भालाफेकपटू बनला होता. 2023 मध्ये विजय मिळवल्यानंतर तो जागतिक अजिंक्यपद स्पर्धेत भालाफेकीत सुवर्णपदक जिंकणारा पहिला आशियाई खेळाडू ठरला होता. 2016 मध्ये 20 वर्षांखालील जागतिक चॅम्पियनशिपमधील त्याचा ज्युनियर भालाफेकीचा जागतिक विक्रम कायम ठेवला आहे. 2024 च्या पॅरिस ऑलिम्पिक स्पर्धेत नीरज 89.45 मीटरपर्यंत भाला फेकू शकला होता; परंतु, पाकिस्तानच्या अर्शद नदीमने 92.97 मीटर भाला फेक करून सुवर्णपदक जिंकले होते. ग्रेनाडाच्या अँडरसन पीटर्सने 88.54 मीटरसह कांस्यपदक जिंकले होते. आता त्याने 90.23 मीटर भालाफेक केला आहे. त्यामुळे 90 मीटरचे अंतर पार करणारा तो तिसरा आशियाई खेळाडू ठरला आहे. यापूर्वी अर्शद (92.97 मी.) आणि तैवानचाय चाओ-टीसून चेंग (91.36 मी.) यांनी हा पराक्रम केला आहे. 2025 नीरजने त्याच्या पहिल्याच प्रयत्नात 88.44 मीटर लांब भाला फेकला आणि आघाडी घेतली आहे. शिवाय त्याने पहिल्याच प्रयत्नात जागतिक आघाडी घेतली आहे.