डायमंड लीग स्पर्धेत नीरज दुसर्‍या स्थानावर समाधान

अवघ्या एका सेंटीमीटरने हुकले जेतेपद

| नवी दिल्ली | वृत्तसंस्था |

नीरज चोप्राने डायमंड लीगच्या अंतिम फेरीत दुसरे स्थान पटकावले आणि अंतिम फेरीत 87.86 मीटरचा सर्वोत्तम थ्रो केला. नीरज अवघ्या एक सेंटीमीटरने त्याचे जेतेपद हुकले. ग्रेनेडाचा खेळाडूने नीरजसमोर बाजी मारली. ग्रेनेडाचा अँडरसन पीटर्स पहिल्या क्रमांकावर राहिला. त्याने 87.87 मीटर थ्रो केला. अँडरसनने 2024 च्या पॅरिस ऑलिम्पिकमध्ये कांस्यपदक जिंकले होते. जिथे भारताच्या नीरजने रौप्यपदक जिंकले होते. पॅरिसमध्ये सुवर्णपदक जिंकणारा पाकिस्तानी खेळाडू अर्शद नदीम डायमंड लीगच्या अंतिम फेरीत सहभागी झाला नव्हता.

डायमंड लीगच्या अंतिम फेरीत एकूण 7 भालाफेकपटू सहभागी झाले होते. नीरज चोप्राने अंतिम फेरीत 86.82 मीटरचा पहिला थ्रो केला. यानंतर त्याने 83.49 मीटरचा दुसरा थ्रो केला. तिसर्‍या थ्रोमध्ये नीरजने पुनरागमन केले आणि त्याने 87.86 मीटरचा तिसरा थ्रो केला. या थ्रो मुळे नीरज दुसर्‍या स्थानावर पोहोचू शकला. यानंतर त्याचे दोन थ्रो 85 मीटरपेक्षा कमी होते. नीरजने 86.46 मीटरचा शेवटचा थ्रो केला.

डायमंड लीग फायनलमधील नीरज चोप्राचे 6 थ्रोपहिला फेक- 86.82 मी
दुसरी थ्रो- 83.49 मी
तिसरी थ्रो- 87.86 मी
चौथा थ्रो- 82.04 मी
पाचवा थ्रो 83.30 मी
सहावी थ्रो- 86.46 मी

ब्रुसेल्स डायमंड लीग स्पर्धेत अँडरसन पीटर्स पहिला तर नीरज चोप्रा दुसरा राहिला. जर्मन स्टार ज्युलियन वेबरने 85.97 च्या सर्वोत्तम थ्रोसह तिसरे स्थान पटकावले. भालाफेकीत भारतासाठी दोन ऑलिम्पिक पदकं जिंकणारा नीरज चोप्रा हा पहिला खेळाडू आहे. त्याने टोकियो 2020 मध्ये सुवर्ण पदक आणि पॅरिस 2024 मध्ये रौप्य पदक जिंकले. याशिवाय त्याने डायमंड लीग 2022 ही स्पर्धा जिंकली आहे. 2023 मध्ये तो दुसर्‍या क्रमांकावर राहिला. डायमंड लीगमध्ये चॅम्पियन बनल्यास खेळाडूंना पदक मिळत नाही. तर विजेतेपद जिंकल्यावर, खेळाडूला जागतिक अ‍ॅथलेटिक्स चॅम्पियनशिपसाठी बक्षीस रक्कम आणि वाइल्ड कार्ड दिले जाते.

अँडरसन पीटर्सने प्रथमच डायमंड लीगचे विजेतेपद पटकावले. गेल्या महिन्यात पॅरिस येथे झालेल्या ऑलिम्पिक स्पर्धेत त्याने कांस्यपदक जिंकले होते. पीटर्सने दोन वेळा वर्ल्ड चॅम्पियनशिपही जिंकली आहे. 2019 आणि 2022 मध्ये त्याने ही कामगिरी केली. याशिवाय राष्ट्रकुल स्पर्धेत एक रौप्य आणि एक कांस्यपदक जिंकले. 93.07 मीटर हा पीटर्सत्या कारकिर्दीतील सर्वोत्तम थ्रो आहे.