न्यूझीलंडविरुद्ध उतरणार नवी टीम इंडिया

| मुंबई । प्रतिनिधी ।

भारतीय संघाला न्यूझीलंडविरुद्ध तीन सामन्यांची टी-20 आणि एकदिवसीय मालिका खेळायची आहे. या दौर्‍याची सुरुवात टी-20 मालिकेने होणार आहे, ज्यासाठी हार्दिक पांड्याच्या नेतृत्वाखाली भारतीय संघ न्यूझीलंडला पोहोचला आहे. टीम इंडिया बुधवारी सराव सत्रातही सहभागी होत आहे. न्यूझीलंडविरुद्धच्या टी-20 मालिकेत काही युवा खेळाडूंना संधी मिळाली आहे, जे आपली छाप पाडण्यास उत्सुक असतील.

टी-20 विश्‍वचषकात भारतीय संघाच्या खराब कामगिरीनंतर वरिष्ठ खेळाडूंबाबत जोरदार चर्चा सुरू आहे. या दौर्‍यासाठी राहुल द्रविडलाही विश्रांती देण्यात आली आहे, अशावेळी व्हीव्हीएस लक्ष्मण मुख्य प्रशिक्षकाची भूमिका बजावत आहेत. पहिला टी-20 सामना वेलिंग्टनमध्ये (दि.18) भारतीय वेळेनुसार दुपारी 12.30 वाजता सुरू होणार आहे.

टी-20 मालिकेत, सर्वांचे लक्ष भारतीय संघावर असेल जिथे किमान चार खेळाडू सलामीच्या स्लॉटसाठी दावेदार आहेत. तसे, इशान किशनला पहिली पसंती मिळण्याची शक्यता आहे. शुभमन गिल, दीपक हुडा, ऋषभ पंत आणि संजू सॅमसन यापैकी कोणालाही दुसरा सलामीवीर म्हणून पाठवले जाऊ शकते.

भारताचा टी-20 संघ:
हार्दिक पंड्या (कर्णधार), शुभमन गिल, इशान किशन, दीपक हुडा, सूर्यकुमार यादव, श्रेयस अय्यर, ऋषभ पंत (उपकर्णधार/यष्टीरक्षक), संजू सॅमसन (यष्टीरक्षक), वॉशिंग्टन सुंदर, युजवेंद्र चहल, कुलदीप यादव, अर्शदीप सिंग, हर्षल पटेल, मोहम्मद सिराज, भुवनेश्‍वर कुमार, उमरान मलिक.

भारताचा न्यूझीलंड दौरा
18 नोव्हेंबर 1ला टी-20, वेलिंग्टन
20 नोव्हेंबर 2रा टी-20, माउंट मौनगानुई
22 नोव्हेंबर 3रा टी-20, ऑकलंड
25 नोव्हेंबर 1ला एकदिवसीय सामना, ऑकलंड
27 नोव्हेंबर 2रा एकदिवसीय सामना, हॅमिल्टन
30 नोव्हेंबर 3रा एकदिवसीय सामना, क्राइस्टचर्च