दुचाकीला अज्ञात वाहनाची धडक एकाचा मृत्यू

| पनवेल | वार्ताहर |

अज्ञात भरधाव वाहनाने दुचाकीला धडक दिल्याने झालेल्या अपघातात एकाचा मृत्यू झाला असून, एक जण गंभीर जखमी झाल्याची घटना कामोठे येथे सर्व्हीस रोड येथे घडली आहे. मानसरोवर कॉम्प्लेक्समध्ये राहणारा प्रसाद (पूर्ण नाव माहित नाही) हा त्याचा मित्र अनिल जाधव याच्या सोबत भटकंतीसाठी बाहेर पडला होता. ते सर्व्हीस रोडवरुन जात असताना एका अज्ञात वाहनाने त्यांच्या मोटार सायकला धडक दिल्याने झालेल्या अपघातात ते दोघे गंभीररित्या जखमी झाले होते. त्यापैकी अनिल जाधव याचा दुर्दैवी मृत्यू झाला आहे. या अपघाताची नोंद कामोठे पोलीस ठाण्यात करण्यात आली आहे.