संतापजनक! महाडमध्ये विवाहित महिलेवर अत्याचार
। महाड । प्रतिनिधी ।
महाड तालुक्यात अत्याचाराच्या घटनांमध्ये सातत्याने वाढ होत आहे. नुकतीच अल्पवयीन मुलीवरील अत्याचाराची घटना ताजी असतानाच आता पुन्हा विवाहित महिलेवर अत्याचाराची घटना समोर आली आहे.
मिळालेल्या माहितीनुसार, फेसबुक या सोशल मीडियाच्या माध्यमातून झालेल्या ओळखीचा गैरफायदा घेत एका विवाहित महिलेसोबत अत्याचार केल्या प्रकरणी महाड शहर पोलीस ठाण्यात गुन्हा दाखल करण्यात आला आहे. मकरंद सूर्यकांत चव्हाण (38), सध्या राहणार विक्रोळी, मुंबई असे या आरोपीचे नाव आहे. मकरंद चव्हाण आणि महिलेची फेसबुक माध्यमातून ओळख झाली होती. त्या ओळखीचा गैरफायदा घेत मकरंद चव्हाण याने महिलेसोबत जबरदस्तीने शारीरिक सबंध प्रस्थापित करून त्याचे मोबाईल चित्रीकरण व फोटो काढून ते व्हायरल करण्याची तसेच नवऱ्याला व मुलाला जीवे मारण्याची धमकी दिली. तसेच, महिलेच्या गोरेगाव येथील आणि मकरंद चव्हाण याच्या विक्रोळी- मुंबई येथील निवासस्थानी तिच्या इच्छेविरुद्ध गेली अडीच वर्ष वारंवार संबंध प्रस्थापित केले. या प्रकरणी महाड शहर पोलीस ठाण्यात गुन्हा दाखल करण्यात आला आहे. पोलिसांनी विलंब न लावता कारवाई करत आरोपीला अटक केली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.