पनवेल – सरपंचांपदासाठी २४; सदस्यपदांच्या १७९ उमेदवार

| पनवेल | वार्ताहर |
पनवेल तालुक्यातील दहा ग्रामपंचायतींसाठी उमेदवारी अर्ज मागे घेण्याची 6 सप्टेंबरपर्यंत मुदत होती़ 10 ग्रामपंचायतींच्या सरपंचपदांसाठी 45 उमेदवारांनी उमेदवारी अर्ज दाखल केले होते. त्यापैकी 21 उमेदवारांनी अर्ज मागे घेतल्याने आता 24 उमेदवार रिंगणात राहिले आहेत. थेट जनतेतून सरपंचाची निवड होणार असल्याने चुरस वाढली आहे. ग्रामपंचायत सदस्यपदासाठी उमेदवारी अर्ज दाखल केलेल्या 75 उमेदवारांनी आपले नामांकन मागे घेतले आहेत. त्यामुळे, आता 179 उमेदवार रिंगणात आहेत.

मुदत संपलेल्या दहा ग्रामपंचायतींसाठी निवडणूक प्रक्रिया राबवण्यात येत आहे़. सरपंच थेट जनतेतून निवडण्यात येणार आहे़ त्यामुळे, उमेदवारांची संख्या वाढली होती़ उमेदवारी अर्ज मागे घेण्याच्या दिवशी अर्ज मागे कोण घेतो याकडे सर्वांचे लक्ष लागले होते. अखेर सरपंच पदासाठी 21 उमेदवारांनी अर्ज मागे घेतले. तर सदस्य पदातील 75 उमेदवारांनी आपले नामांकन मागे घेतले आहे. तर प्रत्यक्षात सरपंच पदासाठी 24 उमेदवार रिंगणात आहेत. तर सदस्य पदासाठी 179 उमेदवार आपली लढत लढणार आहेत.