एसटी बसच्या धडकेत प्रवासी ठार
। पुणे । प्रतिनिधी ।
स्वारगेट एसटी स्थानकाच्या आवारात एक धक्कादायक घटना घडली. बसची धडक लागून एक तरुण प्रवासी ठार झाला. याप्रकरणी एसटी बसचालकाविरुद्ध गु्न्हा दाखल करण्यात आला आहे.
वीण बालाजी कोका (28) असे मृत तरुणाचे नाव असून तो सोलापूरहून बिबवेवाडीकडे निघाला होता. शुक्रवारी (दि. 08) सकाळी आठच्या सुमारास तो सोलापूरहून आलेल्या बसमधून एसटी स्थानकात उतरला. दरम्यान, स्वारगेट एसटी स्थानकाच्या प्रवेशद्वारात एसटी बसने प्रवीणला धडक दिली. या धडकेत तो गंभीर जखमी झाला. त्याला उपचारासाठी तातडीने रुग्णालयात दाखल करण्यात आले. मात्र, उपचारांपूर्वीच त्याचा मृत्यू झाला. याप्रकरणी एसटी बसचालक अमर चकराल (44) याच्याविरुद्ध स्वारगेट पोलीस ठाण्यात गुन्हा दाखल करण्यात आला असून अधिक तपास सुरु आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.