वासांबे प्रीमियर लीगसाठी खेळाडूंचा लिलाव

माजी सरपंच संदिप सुदाम मुंढे पुरस्क्रुत

| रसायनी | वार्ताहर |

दीपावलीनंतर 15, 16, 17 डिसेंबर 2023 रोजी मोहोपाडा रसायनी येथील अचानक मैदानावर होणाऱ्या संदीप सुदाम मुंढे पुरस्कृत वासांबे प्रीमियर लीग-23 पर्व दुसरेसाठी खेळाडूंचा लिलाव जनता शाळेच्या सभामंडपात आयोजित करण्यात आला होता. या सोहळ्यास प्रमुख पाहुणे डॉ. प.ग. पळणीटकर यांच्या हस्ते गणरायांच्या प्रतिमेला पुष्पहार अर्पण करून रसायनी पोलीस ठाण्याचे एपीआय गोरक्षनाथ बालवडकर, ग्रामसुधार मंडळाचे उपाध्यक्ष सुदाम मुंढे, तुलसीदास पाटील यांच्या हस्ते दीप प्रज्वलित करून वासांबे कार्यक्रमास सुरूवात करण्यात आली. यावेळी प्रमुख पाहुण्यांच्या हस्ते होंडा सुपर स्प्लेंडर बाईकचे अनावरण करण्यात आले.

वासांबे विभागातील एनडीजे विनीत इलेव्हन कांबे, यश युवराज इलेव्हन चांभार्ली, बल्लाळेश्वर आळी अंबिवली, कैवल्य मंथन इलेव्हन मोहोपाडा, श्री गणेश इलेव्हन गणेशनगर, राजवाड्याचा राजा नवीन पोसरी, कपिल एंटरप्रायझेस रिस, आई टाकेदेवी रिसवाडी, विघ्नेश इलेव्हन वरोसे, अनन्या एंटरप्रायझेस तळेगाव वाडी, 288 ओम साई आई एकविरा लोधिवली, श्री मल्लिकार्जुन खाने अंबिवली या 12 संघांचा या लीगध्ये समावेश असणार आहे.

या स्पर्धेतील विजेत्यास एक लाख एकशे अकरा रुपये व भव्य चषक, उपविजेत्यास पन्नास हजार एकशे अकरा रुपये व भव्य चषक, तृतीय क्रमांक पटकाविणाऱ्या पंचवीस हजार एकशे अकरा रुपये व भव्य चषक देण्यात येणार आहे. तर, उत्कृष्ट फलंदाजासाठी सायकल, उत्कृष्ट क्षेत्ररक्षणासाठी सायकल देण्यात यणार आहे. त्यासाठी 15, 16, 17 डिसेंबर रोजी लक्की ड्रॉ असणार आहे.
दरम्यान, यावेळी ग्रामसुधार मंडळाचे अध्यक्ष डॉ. प.ग. पळणीटकर, रसायनी एपीआय गोरक्षनाथ बालवडकर, सुदाम मुंढे, तुलसीदास पाटील, जनता शाळेचे मुख्याध्यापक वारेसर, रोटरीचे माजी अध्यक्ष अमित शहा, माजी प्रभारी सरपंच दत्तात्रेय शिंदे, दिलीप पारंगे तसेच 12 संघांचे मालाक कर्णधार यांसह संदीप मुंढे मित्र परिवार उपस्थित होता. कार्यक्रमाचे सूत्रसंचालन समालोचक टी.के. माळी व संतोष चौधरी यांनी केले.