प्लेऑफचे वेळापत्रक जाहीर

| नवी दिल्ली | वृत्तसंस्था ।

आयपीएल प्लेऑफचे वेळापत्रक जाहीर झाले आहे. स्पर्धेची सुरुवात 26 मे रोजी क्वालिफायर 1 ने होईल. अंतिम सामना 31 मे रोजी अहमदाबाद येथे खेळला जाईल. भारतीय क्रिकेट नियामक मंडळाने मंगळवारी प्लेऑफचा तपशील जाहीर केला. 5 मे पर्यंत आयपीएल 2026 मध्ये 48 सामने खेळले गेले आहेत. 70 सामन्यांनंतर प्लेऑफ खेळले जातील. धर्मशाला येथे पहिला क्वालिफायर, तर चंदीगड येथे दोन सामने आयोजित केले जातील. आयपीएल 2026 चा पहिला प्लेऑफ सामना, क्वालिफायर 1, 26 मे रोजी धर्मशाला येथील एचपीसीए स्टेडियमवर खेळला जाईल. यामध्ये गुणतालिकेतील अव्वल दोन संघ एकमेकांविरुद्ध खेळतील. त्यानंतर ही स्पर्धा चंदीगड येथील न्यू इंटरनॅशनल क्रिकेट स्टेडियमवर खेळवली जाईल. तिथे 27 मे रोजी एलिमिनेटर आणि 29 मे रोजी क्वालिफायर 2 खेळला जाईल. या हंगामाचा महाअंतिम सामना 31 मे रोजी अहमदाबाद येथील नरेंद्र मोदी स्टेडियमवर खेळला जाईल. सलग दुसऱ्या वर्षी मोदी स्टेडियमवर हा विजेतेपदाचा सामना आयोजित केला जाईल. आयपीएल 2025 चा अंतिम सामनाही येथेच खेळला गेला होता, ज्यात रॉयल चॅलेंजर्स बंगळूर (आरसीबी) संघाने पंजाब किंग्सला हरवून ट्रॉफी जिंकली होती. पंजाब किंग्स गुणतालिकेत अव्वल स्थानी आहे. आयपीएल 2026 मध्ये एकूण 74 सामने होणार असून, त्यात 70 लीग सामन्यांचा समावेश आहे. 28 मार्च 2026 रोजी सुरू झालेल्या या स्पर्धेत आतापर्यंत 48 सामने खेळले गेले असून, प्लेऑफसाठीची शर्यत रोमांचक झाली आहे. पंजाब किंग्स (पीबीकेएस) सध्या 13 गुणांसह गुणतालिकेत आघाडीवर आहे, तर लखनौ सुपर जायंट्स (एलएसजी) तळाशी आहे.