| पेण | प्रतिनिधी |
पेण शहरासह तालुक्यात आमदार अनिकेत तटकरे यांच्या वाढदिवसानिमित्त भावी पेणचे आमदार म्हणून मोठयाप्रमाणात बॅनर लावण्यात आले. मात्र पेणमध्ये 11 ग्रामपंचायतीच्या निवडणुका जाहीर होउन उमेदवार निश्चित झाले आणि आता प्रचार अंतिम टप्प्यात आहे त्यावेळेला प्रत्येक ग्रामपंचायतीचा ग्राउंड रिपोर्ट घेतल्यानंतर आर्श्चयाची बाब समोर आली ती म्हणजे दुष्मी ग्रामपंचायत वगळता इतर ग्रामपंचायतीमध्ये सरपंचाचा उमेदवार ही राष्ट्रवादी देउ शकले नाहीत.
पेणमध्ये राष्ट्रवादीची अवस्था आशी आहे की, नेते ढीगभर आणि कार्यकर्ते मुढभर. बळवलीमध्ये नरेंद्र ठाकूर हे पेण विधान सभा मतदार संघाचे अध्यक्ष आहे. परंतू, त्यांना त्यांच्या मुली व्यतीरिक्त एक ही सीट उभी करता आली नाही. तर तरणखोप ग्रामपंचायतीमध्ये साधी सदस्य पदासाठी ही सीट नाही. तिच अवस्था वडखळ ग्रामपंचायतीमध्ये वडखळ ग्रामपंचायतीमधून योगेश पाटील त्यानंतर राजेश मोकल यांनी घडयाळ सोडले आणि दोघानीही कमळ हातात घेताच वडखळमध्ये कोरी पाटी झाली. तीच अवस्था बोरी, वाशी मध्ये तर तालुक्याची व जिल्हयाची मोठ मोठी पद असताना फक्त एक सदस्य पदाची सीट लढवली जात आहे. दिव, बेलवडे, महमिर, वरवणे, बोरगाव मध्ये तर नाव सांगायला ही राष्ट्रवादी नाही. अशी स्थिती असताना भावी आमदार अनिकेत तटकरेंना कसे काय करतील, अशी चर्चा तालुक्यात सध्या जोर धरु लागली आहे.
तटकरे खासदार झाले ते फक्त आणि फक्त शेतकरी कामगार पक्षाच्या जोरावर याचा विसर पडल्याने विकास कामांच्या निधीच्या वेळेला शेतकरी कामगार पक्षाला वगळून राष्ट्रवादी हात बळकट करण्याचे काम तटकरे पिता पुत्राने केले. मात्र आज पक्षाची इभ्रतीची वेळ आली त्यावेळेला ठेकेदार असणारे कार्यकर्ते बिळात बसले साधे 11 ग्रामपंचायतीपैकी 10 ग्रामपंचायतीमध्ये सरपंचाचे उमेदवार देउ शकले नाही वाशी आणि बळवली मध्ये एक-एक सदस्य निवडणुक रिंगणात ही आहे. पेणमध्ये राष्ट्रवादीची ताकद शेकाप होता म्हणून तरलात आता भावी आमदार कोणाच्या जीवावर होणार.