। सायली पाटील । अलिबाग ।
पुष्पा चिपटाने सर्वांनाच वेड लावले आहे. आणि त्या चित्रपटातील गाण्यांनी तर प्रत्येेकाच्या मनावर जादू केली आहे. पुष्पा मधीलच सुप्रसिद्ध झालेले श्रीवल्ली हे गाणं आता कोळी व्हर्जनमध्ये आलं असून त्या कोळी श्रीवल्लीचे 14 फेब्रुवारी रोजी द मिरर एंटरटेंमेंट या युट्युब चॅनलवर पोस्टर व ट्रेलर रिलीज झाले. कोळी बांधव, कोळी संस्कृती, कोळी परंपरेने नटलेले अलिबाग ही अलिबागकरांची शान आहे. त्यामुळे अलिबागची शान असणार्या या कोळी स्टाईललाच श्रीवल्लीचे व्हर्जन बनवत पुष्पा-श्रीवल्लीची कोळी स्टाईल लव्हस्टोरी आपल्याला पाहायला मिळणार आहे. गेल्या 3-4 दिवसांपासून जे श्रीवल्ली कोळी व्हर्जन व्हायरल झाले आहे, त्या कोळी व्हर्जनचा ऑफिशिअल व्हिडिओ लवकरच प्रेक्षकांच्या भेटीला येणार आहे. तसेच या गाण्यात कायमच कलाक्षेत्र गाजवत असणार्या अलिबागच्या सर्व कलाकारांनी नेहमीप्रमाणेच उत्तम अशी कामगिरी करत अतिशय सुंदर अशा पद्धतीने भूमिका साकारल्या आहेत.
या गाण्याचे दिग्दर्शन सागर यादव यांनी केले असून ही संकल्पना कलाकार प्रकाश सप्रें यांची आहे. यामध्ये प्रमुख भूमिका अंकिता राऊत, प्रकाश सप्रे, संदीप वाटवे, सचिन शिंदे यांनी साकारल्या आहेत. श्रीवल्लीच्या कोळी व्हर्जनची गीत रचना मनिष अनसुरकर यांनी केली असून त्याला नवीन मोरया यांनी स्वरबद्ध केले आहे. तसेच या गाण्याचे छायाचित्रण सुनित गुरव, संकलन विशाल गायकवाड, नृत्यदिग्दर्शन – आतिश मोहीते, मेकअप- मृणाली कांबळे, रश्मी पाटील, सहाय्यक छायाचित्रण – सिद्धांत पाटील व शुभम पाटील यांनी केले आहे. या गाण्यात कोळी पुष्पा-श्रीवल्लीची लव्ह स्टोरी कोळी स्टाईलमध्ये दाखवण्यात आली आहे. तसेच या गाण्यात लव्हस्टोरीसोबतच कॉमेडीचाही तितकाच समावेश केला आहे.
पुष्पा चित्रपटातील श्रीवल्ली या गाण्याने सर्वांनाच प्रचंड वेड लावले असून बर्याच भाषांमधले श्रीवल्लीचे व्हर्जन्स आले आहेत. अगदी इंग्रजी भाषेतही हल्लीच व्हर्जन दाखल झाले आहे. पण त्या सर्वांवर कडी करणारे एक धमाल आगरी कोळी बोलीचा ठसका असणारे व्हर्जन आपल्या अलिबागच्या कलावंतांनी आणले आहे. सर्वत्र हे कोळी व्हर्जन खूप व्हायरल होत आहे. आपल्याच मातीतील अलिबागकरांची शान असणार्या कोळी भाषेचा गोडवा लोकांसमोर श्रीवल्लीच्या आगरी-कोळी व्हर्जनमधून आणण्याचा प्रयत्न आम्ही केला आहे. – मनिष अनसुरकर, गीतकार
पुष्पा चित्रपटातील श्रीवल्ली या गाण्याचे बर्याचशा भाषांमधले आलेले व्हर्जन्स पाहून एक अनोखा गोडवा असणार्या आपली आगरी-कोळी भाषेतलेही श्रीवल्लीचे व्हर्जन यायला हवे असे वाटत होते. त्यामुळे एक वेगळी संकल्पना घेऊन अलिबागकरांची शान असणार्या कोळी स्टाईलमध्ये हे व्हर्जन करण्याचा प्रयत्न केला आहे. – प्रकाश सप्रे, कलाकार