। अलिबाग । वार्ताहर ।
भारतीय क्रीडा परिषदेची मान्यता आणि स्कूल गेम फेडरेशन ऑफ इंडिया यांची मान्यता असलेल्या सिलंबम स्तिक फाईट या खेळाची अहमदनगर शिर्डी येथे झालेल्या राज्यस्तरीय चॅम्पियनशिपमध्ये रायगडच्या विद्यार्थ्यांनी सुवर्णपदक, रौप्यपदक, कास्यपदक असे 19 मेडल मिळवून उत्कृष्ट कामगिरी केली म्हणून रायगडच्या संघाचे सर्व स्तरातून कौतुक होत आहे. सिलंबम ही स्पर्धा या खेळाचे राज्यस्तरीय सचिव पी.वाय.आत्तार यांच्या मार्गदर्शनाखाली संपन्न झाली.\
या स्पर्धेत सोनू कामी, वेदिका कवळे, तनया मंचेकर, श्रमिका पाटील, संजय गमरे, हर्षला शेडगे, श्रेयस गमरे, रूद्राक्ष मोरे, निधीपाल सिंग, प्रतिमा निषाद या खेळाडूंनी सुवर्णपदकांची कमाई केली. तर देवेंद्र उदावंत, गार्गी माळवी, जिज्ञासा पाटील, अरमान भाटकर, निखिल पाटील, सुचिता सिंग, तेजुमाल टेमकर यांना रौप्यपदक तसेच मित्तल रावरिया हिने कास्पदक पटकाविले आहे. विजय स्पर्धकांची गोवा येथे होणार्‍या राष्ट्रीय स्पर्धेसाठी निवड झाली आहे. हे विजयी स्पर्धक प्रशिक्षक संतोष कवळे यांच्या मार्गदर्शनाखाली कर्णिक हॉल पंतनगर येथे सराव करीत आहेत.