रितेश यादवची ‘कांस्य’ कमाई

। आगरदांडा । प्रतिनिधी ।

मुरूडमध्ये कार्यरत असलेले पोलीस शिपाई रितेश यादव यांनी छत्तीसगड येथे झालेल्या पोलीस वेटलिफ्टिंग क्लस्टर सन 2024 स्पर्धेत पॉवरलिफ्टिंग 59 वजनात कांस्यपदक पटकावले आहे. त्यांना मान्यवरांच्या हस्ते कांस्यपदक व पुष्पगुच्छ देऊन सन्मानित करण्यात आले.

या स्पर्धेत जिल्ह्यातुन 2, महाराष्ट्रातुन 50 तर देशातुन 1800 पोलीस सहभागी झाले होते. पॉवरलिफ्टिंग 59 वजनात 12 खेळाडूंनी सहभाग भाग घेतला होता. यामध्ये रितेश यादव यांना कांस्यपदकावर समाधान मानावे लागले. तर, सहकारी पोलीस शिपाई रोहित पाटील यांना 66 वजनात चौथ्या क्रमांकावर समाधान मानावे लागले.

पोलीस शिपाई रितेश यादव यांनी सांगितले की, रायगड जिल्हा पोलीस अधीक्षक सोमनाथ घार्गे यांच्या मार्गदर्शनाखाली आम्हाला ही संधी मिळाली. यामुळे या स्पर्धेतला एक ऊर्जा मिळाली. तसेच, खेळाडू प्रशिक्षक ऋषिकेश साखरकर यांचे चांगले मार्गदर्शन लाभले. यावेळी सुवर्णपदक थोडक्यात हुकले. परंतु, पुढे संधी मिळाली तर नक्कीच यापेक्षा चांगले काम करू, असेही ते म्हणाले.