सहज मेडिकल हेल्प सेंटरचा खोपोली येथे प्रारंंभ

। खोपोली । वार्ताहर ।
सहजसेवा फाऊंडेशनच्या माध्यमातून जनतेस विविध स्तरातून शक्य ती मदत मिळवून देणार्‍या उपक्रमाचा प्रारंभ रविवारी (11 डिसेंबर ) जनसंपर्क कार्यालय, खोपोली येथून करण्यात आला. खोपोली मुस्लीम वेल्फेअर असोचे अध्यक्ष आतीक खोत यांच्या हस्ते उद्घाटन करण्यात आले तर ब्राह्मण सभा खोपोलीचे अध्यक्ष अनीलकुमार रानडे यांच्या हस्ते मेडिकल हेल्प सेंटरच्या मदतीसाठी लागणार्‍या फॉर्मचे प्रकाशन करण्यात आले.

हा उपक्रमाचा चंद्रकांत फावडे, मंगेश मोरे, संजय बोंदार्डे, डॉ.बबन नागरगोजे, नरेंद्र हर्डीकर, दाऊद शेख, अनिल मिंडे, रशीद शेख, अदनान शेख, राकेश धोत्रे, आनंद आखाडे, सचिन महाराज तांडेल, नामदेव मोरे, अविनाश जाधव, प्रसाद विध्वंस, श्‍वेता पाटील, अक्षय थोरात, तुषार खोपे, सुधीर मस्के, आयुब खान, शेखर बोराडे, दीपक सूर्यवंशी, ड.प्रिया गुरव, राजश्री पाटील, वसंत कुंभार, राजश्री पाटील, नईम खान, अरुण नलावडे, प्रशांत गोपाळे, महबूब जमादार, संदीप ओव्हाळ यांच्या प्रमुख उपस्थितीत शुभारंभ करण्यात आला.

हा उपक्रम यशस्वी करण्यासाठी सहज सेवा फाऊंडेशनचे अध्यक्ष डॉ.शेखर जांभळे, कार्याध्यक्षा माधुरी गुजराथी, उपाध्यक्षा इशिका शेलार,सचिव वर्षा मोरे, खजिनदार संतोष गायकर, जनसंपर्क प्रमुख जयश्री कुलकर्णी, मार्गदर्शक मोहन केदार, खालापूर तालुका प्रमुख तौफिक कर्जीकर,राकेश ओसवाल, मनोज माने, योगिता जांभळे, डॉ.रक्षा मालोदे, बंटी कांबळे, सचिन गवळी यांनी अथक परिश्रम घेतले. सूत्रसंचालन नकुल देशमुख यांनी केले. या उपक्रमासाठी अनिल खालापूरकर व अमित खिसमतराव यांचे विशेष सहकार्य लाभल. गरजूंनी सोमवार ते शनिवार सकाळी 10 ते 11 या वेळेत सहज जनसंपर्क कार्यालयात संपर्क साधावा.