क्रिशिव सावंतची नेत्रदीपक कामगिरी

। पाली/गोमाशी । वार्ताहर ।

जपान कराटे असोसिएशन इंडियाच्यावतीने रायगड जिल्हा कराटे चॅम्पियनशिप स्पर्धा रविवारी (दि.1) रोहा येथील एमडीएन इंटरनॅशनल स्कुल येथे घेण्यात आली. यामध्ये संत नामदेव माध्यमिक विद्यालय व कनिष्ठ महाविद्यालय नांदगाव येथील विद्यार्थी क्रिशिव सचिन सावंत याने 12 वर्षाखालील काता कराटे या प्रकारात प्रथम, तर कुमिते कराटे या प्रकारात द्वितीय पारितोषिकाची कमाई केली आहे.

या स्पर्धेत रायगड जिल्ह्यातील 10 शाळेतील विद्यार्थ्यांनी सहभाग घेतला होता. ही स्पर्धा 6 वर्षावरील मुले व मुली तसेच 21 वर्षावरील पुरुष व स्त्रिया यांच्यासाठी खुल्या स्पर्धेचे आयोजन करण्यात आले होते. रायगड जिल्हा कराटे चॅम्पियनशिप स्पर्धेत क्रिशिव यांनी अमर यादवच्या मार्गदर्शनाखाली केलेल्या कामगिरीचे सर्व स्तरातून कौतुक होत आहे. संस्थेचे अध्यक्ष सुरेश खैरे आणि प्राचार्य बबन पालवे यांनी अभिनंदन करून पुढील वाटचालीसाठी शुभेच्छा दिल्या आहेत.