सामाजिक समता पर्व कार्यक्रमांतर्गत पथनाट्य
कल्याण विभागाच्या योजनांची जनजागृती
| अलिबाग | प्रतिनिधी |
डॉ. बाबासाहेब आंबेडकर यांच्या जयंतीनिमित्त दि.1 एप्रिल ते दि.1 मे 2023 या कालावधीत विविध कार्यक्रमांचे आयोजन करुन सामाजिक समता पर्व कार्यक्रम साजरा करण्यात येत आहे.
त्यानुषंगाने समाज कल्याण विभागाच्या विविध योजना मागासवर्गीय जनतेपर्यंत पोहोचविण्यासाठी जिल्ह्यातील पाच तालुक्यात शुक्रवार, दि.14 रोजी अलिबाग बीच, गृहपाल, मुलांचे शासकीय वसतिगृह अलिबाग- संदीप कदम, उषा गुजेला, समतादूत श्रीमती रश्मी भोईर. शुक्रवार, दि.14 रोजी एसटी बसस्थानक महाड, गृहपाल, मुलांचे शासकीय वसतिगृह, महाड- अनिल मोरे, गृहपाल, मुलींचे शासकीय वसतिगृह महाड श्रीमती सुधा सावंत. मंगळवार, दि.18 रोजी एस.टी. बस स्थानक खोपोली, गृहपाल, मुलींचे शासकीय वसतिगृह, पाली-सुधागड मीनाक्षी येमले, समतादूत खालापूर मनिषा कळके, समतादूत पाली-सुधागड अमोल म्हात्रे. बुधवार, दि.19 एसटी बस स्थानक पनवेल, गृहपाल, मुलींचे शासकीय वसतिगृह, पाली-सुधागड मीनाक्षी येमले, समतादूत पनवेल सदानंद जाधव, समतादूत पनवेल रागिणी साखरकर. गुरुवार, दि.20 एसटी बस स्थानक पेण, कार्यालय, अधीक्षक माधुरी पाटील, कनिष्ठ लिपिक राजेश्री म्हात्रे, समतादूत पेण अनुजा पाटील, समतादूत अलिबाग रश्मी भोईर, अशा प्रकारे सहायक आयुक्त, समाज कल्याण सुनिल जाधव यांच्या मार्गदर्शनाखाली जिल्हा माहिती कार्यालयाच्या सहकार्याने आणि सामाजिक न्याय विभागाचे अधिकारी, कर्मचारी, समतादूत, सामाजिक कार्यकर्ते यांच्या समन्वयातून पथनाट्याचे कार्यक्रम सादर करण्यात आले.
या पथनाट्यांच्या सादरीकरणातून सामाजिक न्याय विभागाच्या अनूसूचित जातीतील नवउद्योजकांना स्टँडअप इंडिया योजनेंतर्गत मार्जिंन मनी, पद्मश्री कर्मवीर दादासाहेब गायकवाड सबळीकरण व स्वाभिमान योजना, गटई कामगारांना पत्र्याचे स्टॉल पुरविणे, अनुसूचित जाती व नवबौध्द घटकांच्या स्वयंसहाय्यता बचतगटांना मिनी ट्रॅक्टर व त्याची उपसाधने यांचा पुरवठा करणे, वृध्दाश्रम योजना, कन्यादान योजना, रमाई आवास घरकुल योजना अशा विविध लोकोपयोगी योजनांबाबत व्यापक स्वरुपात जनजागृती करण्यात आली.
