मोबाईलचा वापर अभ्यासापुरता करावा: अ‍ॅड. पाटील

। कोर्लई । वार्ताहर ।

विद्यार्थ्यांनी चांगले शिक्षण घेऊन मोठे व्हावे, आपल्या कुटुंबाचे, गावाचे नाव उज्ज्वल करावे व भारताचे आधारस्तंभ बनावे. शाळेत शिक्षण घेत असताना मोबाईलचा वापर अभ्यासापुरता करावा, असे प्रतिपादन लायन्स क्लब ऑफ श्रीबाग सेंटेनिअल अध्यक्ष अ‍ॅड. के.डी.पाटील यांनी केले आहे. लायन्स क्लब ऑफ श्रीबाग सेंटेनिअल तर्फे अलिबाग तालुक्यातील सागाव-तळवली येथील रायगड जिल्हा परिषदेच्या प्राथमिक शाळेत आयोजित शालेय साहित्य वाटप प्रसंगी ते बोलत होते.

लायन्स क्लबचे रिजनल चेअर पर्सन लायन विजय वनगे, उपाध्यक्ष लायन श्रीकांत पाटील, लायन पी.एन.पाटील, लायन जानू शिद, लायन विजय गायकवाड, लिओ लायन्स आयुष भगत, लायन सुनील राणे, लायन शैलेश घोसाळकर, अभिषेक चौधरी, स्मित भगत, अनंत वैद्य, मनोहर पाटील, अनिल पाटील, शालेय व्यवस्थापन समिती अध्यक्ष सचिन पाटील, उपाध्यक्षा विशाखा कवळे, सदस्या कल्याणी पाटील, मुख्याध्यापिका आराधना घरत, विनया पाटील, अनिता गोसावी, अमित सुर्वे, शिक्षक वृंद व ग्रामस्थ यावेळी उपस्थित होते.