शर्विकाकडून मलंगगडावर यशस्वी चढाई
। अलिबाग । प्रतिनिधी ।
महाराष्ट्रातील बालगिर्यारोहिका शर्विका जितेन म्हात्रे हिने ठाणे जिल्ह्यातील श्री मलंगड हा अतिशय कठीण असा किल्ला सर्वात कमी वयात सर केला आहे. श्री मलंगगडाचा बालेकिल्ला सर करण्यासाठी गिर्यारोहण तंत्र तसेच गिर्यारोहण मार्गदर्शकांची आवश्यकता असते.
महाराष्ट्रातील प्रसिद्ध पॉईंट ब्रेक अॅडव्हेंचर या संस्थेच्या मार्फत शर्विकाने योग्य मार्गदर्शक आणि सुरक्षित गिर्यारोहण साहित्यांच्या आधारे श्रीमलंगड सर करून भगवा ध्वज फडकवला आहे तसेच तिने किल्ल्याच्या माथ्यावर जाऊन शिवरायांचा जयघोष केला आहे. तिच्या या मोहिमेत सातारा,पुणे,मुंबई आणि नाशिक येथील काही गिर्यारोहक सहभागी झाले होते.
त्यामध्ये डॉ.संदीप सुभाष भिंगारदेवे,सातारा ह्यांचा सुद्धा समावेश होता.शर्वीकाने आत्तापर्यंत महाराष्ट्रातील 61 किल्ले सर केले असून तिची ह्या आधी दहा रेकॉर्ड बूकमध्ये नोंद झालेली आहे, त्यामध्ये प्रामुख्याने वर्ल्ड बुक रेकॉर्ड,इंडिया बुक रेकॉर्ड आणि आशिया बुक रेकॉर्ड या रेकॉर्ड बुकचा समावेश आहे तसेच रायगड जिल्ह्यातील अत्यंत मानाचा रायगड भूषण हा सर्वात कमी वयात मिळवणारी शर्विका ही महाराष्ट्रातील पहिली कन्या आहेत.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.