स्वामींचा मुखवटा प्रतिष्ठापना सोहळा

| आगरदांडा | वार्ताहर |
वाणदे गावातील सद्गुरू श्री स्वामी समर्थ मठात स्वामींचा मुखवटा प्रतिष्ठापना सोहळा संपन्न झाला. श्री नित्यानंद महाराज -नंदकुमार ठाकूर यांच्या हस्ते सकाळी 9 वाजता श्री स्वामीचा मुखवटा व श्री स्वामीची मोठी फ्रेम घेऊन वाणदे गावातील परिसरात वाजत गाजत मिरवणूक काढण्यात आली.त्यानंतर दुपारी 1 वाजता श्री स्वामीची मुखवटा प्रतिष्ठापना कल्याणचे नवनितानंद मोडक महाराज यांच्या हस्ते ब्राह्मणव्दारे करण्यात आली. यावेळी सिंधुदुर्ग जिल्ह्यातील सद्गुरु श्री स्वामी समर्थ मठ -देवगड, वेंगुर्ले, सावंतवाडी ,कुडाळ, ठाणे येथील मठ, डोंबिवली येथील मठ, अलिबाग येथील मठ, मुरुड तालुक्यातील या ठिकाणचे सर्व स्वामी समर्थक यावेळी उपस्थित होते.या कार्यक्रमाचे नियोजन नित्यानंद महाराज,नंदकुमार ठाकूर वाणदे यांनी केले होते.