स्वाती सिनकर यांचे निधन

| अलिबाग | प्रतिनिधी |

तालुक्यातील रामराज गावच्या रहिवासी स्वाती सिनकर यांचे अल्पशा आजाराने निधन झाले आहे. मृत्यूसमयी त्या 56 वर्षांच्या होत्या. त्यांच्या अचानक निधनाने परिसरात हळहळ व्यक्त केली जात आहे. शेतकरी कामगार पक्षाचे अलिबाग पंचायत समितीचे माजी सदस्य सुभाष वागळे यांच्या त्या छोट्या भगिनी होत. त्यांच्यावर रामराज येथील स्मशानभूमीत अंत्यसंस्कार करण्यात आले. यावेळी विविध क्षेत्रातील मान्यवरांनी स्वाती सिनकर यांना श्रद्धांजली वाहिली. त्यांच्या पश्चात त्यांचे पती संदीप सिनकर, मुलगा सुश्रुत आणि मुलगी सई यांच्यासह सिनकर आप्तेष्ट असा मोठा परिवार आहे. त्यांचे दशक्रिया विधी सोमवार दि.1 सप्टेंबर रोजी तर उत्तर कार्य गुरुवार दि.4 सप्टेंबर रोजी रामराज येथील राहत्या घरी होणार असल्याचे त्यांच्या नातेवाईकांकडून सांगण्यात आले आहे.