खासगी रुग्णालयात उपचार सुरू असलेला आरोपी पळाला

। पनवेल । वार्ताहर ।

पनवेल शहरातील खाजगी रुग्णालयात उपचार सुरू असलेला आरोपी पळून गेल्याची घटना घडली. या प्रकरणी तळोजा पोलीस अधिक तपास करीत आहेत. खुटारी येथील राजकुमार म्हात्रे याच्यावर प्राणघातक हल्ला करण्यात आला होता. त्यानंतर त्याच्यावर पनवेल मधील एका खाजगी रुग्णालयात उपचार सुरू होते. अनिकेत म्हात्रे आणि राजकुमार म्हात्रे यांच्या विरोधात तळोजा पोलीस ठाण्यात परस्पर विरोधी हत्येचा प्रयत्न केल्याचा गुन्हा दाखल करण्यात आला. खासगी रुग्णालयात उपचार सुरू असताना आरोपी राजकुमार म्हात्रे रुग्णालयातून पळून गेला. तळोजा पोलीस रुग्णालयातून आरोपीला ताब्यात घेणार होते, मात्र त्यापूर्वीच आरोपीने पलायन केले. याप्रकरणी तळोजा पोलीस त्याचा शोध घेत आहेत.