पेणममध्ये पुन्हा एकदा शीना बोरासारखे हत्याकांड?
दुरशेत गावाच्या हद्दीत सुटकेसमध्ये सापडला अज्ञात तरुणीचा मृतदेह
| पेण | प्रतिनिधी |
पेण तालुक्यातून पुन्हा एकदा शीना बोरासारखे हत्याकांड झाल्याचा गूढ प्रकार समोर आला आहे. पेण शहरापासून हाकेच्या अंतरावर असलेल्या दुरशेत गावाच्या हद्दीत एक सुटकेस सापडली आहे. या सुटकेसमध्ये अज्ञात तरुणीचा मृतदेह सापडल्याने परिसरात एकच खळबळ माजली आहे.
मुंबई-गोवा महामार्गाच्या चुनाभट्टी पुलापासून पुढे थोड्या अंतरावर दुरशेत गावाकडे जात असताना कुजल्यासारखा वास येत होता. स्थानिक ग्रामस्थांनी या ठिकाणी थांबून आजूबाजूला पाहणी केली असता रस्त्याच्या साईडपट्टीला लागून असलेल्या खड्ड्यात मोठ्या आकाराची सुटकेस आढळली. याच सुटकेसमधून दुर्गंधीयुक्त वास येत असल्याची खात्री झाल्यानंतर खरोशी गावचे पोलीस पाटील करुणा पाटील व पोलिसांना याबाबत माहिती देण्यात आली. पोलीस हवालदार टेमकर व सहाय्यक पोलीस निरीक्षक राजपूत व समद बेग यांनी घटनास्थळी येऊन पाहणी केली असता सुटकेसमध्ये एका अनोळखी तरुणीचा मृतदेह कुजलेल्या स्थितीत असल्याचे दिसून आले. या तरुणीचे वय 30 ते 40 असल्याचा अंदाज वर्तवण्यात आला आहे. अज्ञात आरोपीने अंदाजे चार ते पाच दिवसांपूर्वी या अनोळखी तरुणीची हत्या करुन तिला सुटकेसमध्ये भरुन या ठिकाणी आणून टाकले असल्याचा अंदाज वर्तवण्यात येत आहे. यामुळे परिसरात प्रचंड खळबळ माजली असून, या प्रकरणाचे गूढ उकलण्याचे मोठे आव्हान पेण पोलिसांसमोर उभे ठाकले आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.