| नाशिक | प्रतिनिधी |
शिक्षकाकडूनच अल्पवयीन विद्यार्थिनीवर आठ महिन्यांपासून अत्याचार केला जात असल्याची धक्कादायक घटना समोर आली आहे. या घटनेनं इगतपुरीसह संपूर्ण नाशिकमध्ये एकच खळबळ उडाली असून, याबाबत घोटी पोलीस ठाणे येथे पोक्सो अंतर्गत गुन्हा दाखल करण्यात आला आहे.
मिळालेल्या माहितीनुसार, नाशिकच्या इगतपुरी तालुक्यातील बुद्रुक-कारंजवाडी इथं संशयित रामचंद्र मनाजी कचरे (55) हा जिल्हा परिषदेच्या शाळेत कार्यरत आहे. त्याने आपल्या पदाचा गैरवापर करत शाळेतील अल्पवयीन विद्यार्थिनीला भीती दाखवत आणि दमदाटी करून जवळपास आठ महिने तिच्यावर अत्याचार केल्याचा आरोप करण्यात आला आहे. अखेर घाबरलेल्या या विद्यार्थिनीने सर्व हकीकत आपल्या घरच्यांना सांगितली असता त्यांनी तात्काळ घोटी पोलीस ठाणे गाठून याबाबत तक्रार दाखल करण्यात आली. पीडितेच्या तक्रारीनंतर नाशिकच्या घोटी पोलीस ठाणे येथे संशयित रामचंद्र मनाजी कचरे (55) याच्यावर पोक्सो अंतर्गत गुन्हा दाखल करण्यात आला असून, घोटी पोलीस अधिक तपास करत आहेत.
मुख्याध्यापक कृष्णा ज्ञानू दाभोळे याने पीडित विद्यार्थिनीच्या आईच्या आजारपणाचा गैरफायदा घेऊन तिच्यावर दोनदा अत्याचार केला. पोलिसांनी आरोपी मुख्याध्यापकाला अटक करून पोलीस कोठडीत पाठवलं आहे. दरम्यान, आरोपी मुख्याध्यापक कृष्णा ज्ञानू दाभोळे हा सावर्डेकर कॉलनी, मुरगूड येथे वास्तव्यास होता. त्याने पीडित विद्यार्थिनीच्या आईच्या आजारपणाचा फायदा घेतला आणि या गैरफायद्यातून त्याने विद्यार्थिनीवर दोन वेळा लैंगिक अत्याचार केले.
शिक्षक हैवान झाला! 55 वर्षीय नराधमाकडून शाळकरी मुलीवर अत्याचार
