रोहिंजण येथील अंडरपास कार्यान्वित करावा
शिवसेना ठाकरे पक्षाची पालिकेकडे मागणी
। पनवेल । वार्ताहर ।
पनवेल तालुक्यातील छत्रपती शिवाजी महाराज हायस्कूल रोहिंजण येथील विद्यार्थ्यांसाठी तातडीने अंडरपास कार्यान्वित करावा; त्याचप्रमाणे तेथील भीषण पाणी टंचाईचा प्रश्‍नदेखील सोडवावा, या मागणीसाठी शिवसेना (उद्धव ठाकरे) पक्षाच्या पदाधिकार्‍यांनी पनवेल महापालिकेचे आयुक्त मंगेश चितळे यांची भेट घेऊन त्यांच्याकडे निवेदन सादर केले आहे.
शिवसेना जिल्हाप्रमुख शिरीष घरत यांनी पनवेल महानगरपालिका आयुक्त मंगेश चितळे यांची भेट घेतली. यावेळी पनवेल महानगर क्षेत्रातील विविध मुद्द्यांवर चर्चा करण्यात आली. ज्यामध्ये रोहिंजण नाका येथे लाइटचा हाय-मास उभारण्यात यावा. तसेच, छत्रपती शिवाजी महाराज हायस्कूल रोहिंजण या शाळेमध्ये 1200 विद्यार्थी शाळा शिकत आहेत. येथील मुख्य रस्त्यावर पनवेल-मुंब्रा रोडवर रस्ता क्रॉसिंग करताना अपघात होण्याच्या शक्यता निर्माण होत आहेत. त्याकरिता रोहिंजण नाका येथे असणारा अंडरपास कार्यान्वित करावा. तसेच, छत्रपती शिवाजी महाराज हायस्कूल रोहिंजणला पाण्याची भीषण टंचाईला सामोरे जावे लागत आहे. त्याकरिता पाण्याच्या टँकरची व्यवस्था करून मिळावी, अशी मागणी यावेळी करण्यात आली. यावेळी शिवसेना उपजिल्हा प्रमुख भरत पाटील, महानगर समन्वयक दिपक घरत, महानगर प्रमुख अवचित राऊत, उपमहानगर संघटक सुनीत पाटील, पनवेल शहर प्रमुख प्रवीण जाधव, सुनील पाटील, भगवान महाराज आदी उपस्थित होते.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.