। रायगड । प्रतिनिधी ।
हिंदूहृदयसम्राट बाळासाहेब ठाकरे यांच्या जयंतीनिमित्त पुढील वर्षभर राज्यभरातील एसटीच्या सर्व बस स्थानकांवर हिंदूहृदयसम्राट बाळासाहेब ठाकरे स्वच्छ, सुंदर बसस्थानक अभियान राबवण्यात येणार आहे. तब्बल 3 कोटी रुपयांची बक्षिसे या अभियानांतर्गत देण्यात येणार असून राज्यात ‘अ’ वर्गात पहिल्या येणार्या बस स्थानकाला 1 कोटी रुपयांचे बक्षीस देण्यात येणार आहे.
राज्यभर प्रत्येक बस स्थानकावर शालेय विद्यार्थी, सामाजिक संस्था व एसटी कर्मचार्यांच्या सहकार्यातून सखोल स्वच्छता मोहीम राबविण्यात येणार आहे.
सर्वसामान्य प्रवाशांना स्वच्छ व सुंदर बस स्थानक, तसेच निर्जंतुकीकरण, टापटीप प्रसाधनगृहे कायमस्वरूपी उपलब्ध करून देणे हे एसटी महामंडळाचे प्रथम कर्तव्य आहे. या जाणिवेतून हे अभियान सुरू करण्यात येत आहे. तसेच आपलं गाव, आपलं बस स्थानक या संकल्पनेवर आधारित लोकसहभागातून बस स्थानकांचा सर्वांगीण विकास करणे हा या अभियानाचा मुख्य गाभा राहणार आहे. कोणतेही बस स्थानक हे त्या गावचे मध्यवर्ती ठिकाण असते. त्या अर्थाने बस स्थानक हे त्या गावची शान असल्यामुळे गावातील तरुण मंडळे, महिला बचत गट, विविध सामाजिक संस्था, उद्योग समूह यांनी पुढे येऊन त्या बस स्थानकाच्या सुशोभीकरण आणि सौंदर्यंयीकरणासाठी मदत करण्याचे आवाहन करण्यात आले आहे.
वर्षभर चालणार्या या अभियानामध्ये दर 3 महिन्यांनी प्रत्येक बस स्थानकाचे मूल्यमापन करण्यात येईल. त्यासाठी एसटी महामंडळाच्या वरिष्ठ अधिकार्यांच्या नेतृत्वाखाली परीक्षण समित्या नेमण्यात आल्या असून त्यांनी दिलेल्या गुणांच्या आधारे सरासरीद्वारे बस स्थानकाचे क्रमांक निश्चित करण्यात येतील. राज्यभरात एसटीच्या सर्व बस स्थानकांचे तेथील प्रवासी चढ-उतार संख्येच्या आधारे शहरी अ वर्ग, निमशहरी ङ्गबफ वर्ग व ग्रामीण ङ्गकफ वर्ग अशा तीन गटांमध्ये विभागणी केली आहे. प्रथम प्रादेशिक स्तरावर प्रत्येक गटनिहाय पहिला, दुसरा आणि तिसर्या क्रमांकासाठी स्पर्धा रंगणार असून अंतिम स्पर्धा राज्यस्तरावर घेण्यात येईल. त्यासाठी प्रत्येक प्रादेशिक स्तरावर गटनिहाय पहिल्या आलेल्या बस स्थानकाचा विचार केला जाणार आहे. राज्यपातळीवर अ वर्ग गटातून पहिला येणार्या बस स्थानकाला 1 कोटी रुपये, ङ्गबफ वर्ग गटातून पहिला येणार्या बस स्थानकाला 50 लाख रुपये, तर ङ्गकफ वर्ग गटातून पहिला येणार्या बस स्थानकाला 25 लाख रुपये बक्षिस देण्यात येणार आहे.
अभियानाला सुरुवात
* एसटीच्या सर्व बस स्थानकांवर हिंदूहृदयसम्राट बाळासाहेब ठाकरे स्वच्छ, सुंदर बस स्थानक अभियानाचा शुभारंभ गुरुवारी कुर्ला नेहरूनगर बस स्थानकावर होणार आहे.
* दर 3 महिन्यांनी प्रत्येक बस स्थानकाचे मूल्यमापन करण्यात येणार आहे.