बंद घराचा दरवाजा उघडून चोरी

| पनवेल | वार्ताहर |

अज्ञात चोरट्याने पनवेल येथील एमसीसीएच सोसायटीतील एका बंद घराचा दरवाजा उघडून हॉलमध्ये ठेवलेल्या मोबाईल आणि इअर बड्स चोरून नेल्याची घटना घडली.

प्रमोद चंदने असे मोबाईल चोरीला गेलेल्या व्यक्तीचे नाव आहे. चंदने हे एमसीसीएच सोसायटी, पनवेल येथे राहतात. रात्री उशिरापर्यंत काम केल्यानंतर त्यांनी त्यांचा किमती मोबाईल व इअर बड्स हॉलमध्ये असलेल्या चार्जिंग पॉइंटजवळ ठेवून ते हॉलमध्ये झोपले होते. दरम्यान, रात्रीत अज्ञात चोरट्याने ते चोरून नेले. सकाळी झोपेतून उठल्यानंतर ही बाब त्यांच्या लक्षात आली. त्यावर त्यांनी त्यांच्या घराच्या समोर असणार्‍या जुईकर यांच्या घराच्या बाहेरील सीसीटीव्ही कॅमेर्‍याचे फुटेज तपासले असता दोन महिला, त्यापैकी एका महिलेच्या कडेवर लहान बाळ व दुसर्‍या महिलेसोबत एक मुलगा असे घराच्या गेटमध्ये प्रवेश करत असताना दिसून आले. त्यामुळे अनोळखी महिला आणि मुलगा यांनी घराचा दरवाजा उघडून आत प्रवेश केल्याचे आढळले. त्यावर चंदने यांनी दिलेल्या तक्रारीवरून पनवेल शहर पोलीस ठाण्यात गुन्हा दाखल करण्यात आला आहे.