दोन लाखांच्या मालाची चोरी

| पनवेल | प्रतिनिधी |

खारघर येथील गाळ्याचे शटर उचकटून चोरांनी दोन लाख रुपयांच्या मालाची चोरी केली. याप्रकरणी गुन्हा दाखल करण्यात आला आहे. विनीत कुमार तिवारी हे घोटगाव, तळोजा येथे राहात असून, ते प्लॅटिनम ग्रुप येथील साईटवर काम करतात. सेक्टर 30 खारघर येथील साईटवरील गाळ्याचे शटर उचकटून तांब्याचे दोन वायर, ॲल्युमिनियम पाईप, पितळेचे नग, तांब्याचे पाईप चोरांनी चोरून नेले.