59 सामन्यांपर्यंत 13 शतके

| कोलकाता | वृत्तसंस्था |

आयपीएलची सुरूवात 2008 पासून झाली. तेव्हापासून आत्तापर्यंत गेल्या 19 वर्षांत 120 हून अधिक शतके झाली आहेत. आयपीएलच्या पहिल्याच सामन्यात ब्रेंडन मॅक्युलमने 158 धावांची खेळी करत इतिहास घडवला होता. मात्र, असे असले तरी 2026 आयपीएलचा हंगाम वेगळा ठरला आहे.

आयपीएल 2026 स्पर्धेत 59 सामन्यांपर्यंत 13 शतके ठोकण्यात आली आहेत. विशेष म्हणजे या स्पर्धेत खेळलेल्या प्रत्येक 10 संघाकडून शतके झाली आहेत. मुंबई इंडियन्सकडून सर्वाधिक 3 खेळाडूंनी शतके केली, तर चेन्नई सुपर किंग्सकडून संजू सॅमसनने 2 शतके केली आहेत. बाकी 8 संघांकडून प्रत्येकी 1 शतक झाले आहे. त्यामुळे एकाच हंगामात सर्व 10 संघांकडून शतके होण्याची यंदा ही पहिलीच वेळ आहे. याआधी झालेल्या 18 हंगामात कधीही सर्व सहभागी संघांकडून शतके झाली नव्हती. आयपीएल 2026 स्पर्धेतील पहिल्या शतकाचा मान संजू सॅमसनने मिळवला, तर वैभव सूर्यवंशीने 36 चेंडूत शतक केले होते. त्यामुळे त्यांचे आयपीएल 2026 स्पर्धेतील हे सर्वात जलद शतक होते, तर केएल राहुलने सर्वोच्च नाबाद 152 धावांची खेळी केली होती.

आयपीएलमधील शतकवीर
सीएसके : संजू सॅमसन (2 शतके)
एमआयः क्विंटन डी कॉक, रायन रिकल्टन आणि तिलक वर्मा (प्रत्येकी 1 शतक)
केकेआरः फिन ऍलेन (1 शतक)
आरआरः वैभव सूर्यवंशी (1 शतक)
पीकेः कुपर कोनोली (1 शतक)
आरसीबीः विराट कोहली (1 शतक)
एसआरएचः अभिषेक शर्मा (1 शतक)
डीसीः केएल राहुल (1 शतक)
एलएसजीः मिचेल मार्श (1 शतक)
जीटीः साई सुदर्शन (1 शतक).