उणेगाव शाळेतर्फे मतदार जनजागृती

। माणगाव । प्रतिनिधी ।

आगामी विधानसभा निवडणुकीमध्ये सर्व मतदारांनी उत्स्फूर्त सहभाग नोंदवून निर्भयपणे मतदान करावे, यासाठी माणगाव तालुक्यातील रायगड जिल्हा परिषद उत्कृष्ट शाळा-उणेगावतर्फे मतदार जनजागृती अभियान फेरीचे आयोजन करण्यात आले होते.

‘मतदार राजा जागा हो, लोकशाहीचा धागा हो… उठा उठा निवडणूक आली, मतदान करण्याची वेळ झाली… हम सब की एक पुकार, मतदान हमारा अधिकार… नाही विकला जाणार, निर्भय होवून मतदान करणार… अशा घोषणा देत संपूर्ण गावातून फेरी काढून जनजागृती करण्यात आली. सोबत मतदारांनी मतदान करणार असल्याबाबतचे संकल्प पत्र भरून दिले. गावातील मतदार बंधू आणि भगिनींनी सदर जनजागृती फेरीस उदंड प्रतिसाद दिला. येत्या निवडणूकीत मतदानाची टक्केवारी वाढवून योग्य उमेदवार निवडून देवू असे आश्‍वासन दिले. या मतदार जनजागृती फेरीसाठी शाळेचे मुख्याध्यापक श्रीकांत गावडे, विषय शिक्षक सुर्यभान शिरसाट, उपशिक्षक मुकेश भोस्तेकर आणि अमोल हांगे यांनी उत्तम नियोजन केले होते.