महासाथ अजून संपलेली नाही

डब्ल्यूएचओचा जगाला इशारा
नवी दिल्ली | वृत्तसंस्था |
सध्या कोरोना महासाथीचा प्रादुर्भाव कमी होत असला तरी धोका अद्यापही पूर्णपणे टळलेला नाही. जगाला याचा सामना करण्यासाठी सार्वजनिक आरोग्य उपकरणांचा प्रभावीपणे वापर करण्याची आवश्यकता आहे. जगाला जेव्हा ही महासाथ संपविण्याची इच्छा असेल, तेव्हाच ही महासाथ संपेल, असे वक्तव्य जागतिक आरोग्य संघटनेचे प्रमुख टेड्रोस एडनम घेब्रेयेसस यांनी केले. बर्लिनमध्ये वर्ल्ड हेल्थ समिटला संबोधित करताना त्यांनी हा इशारा दिला आहे.
आपल्याकडे ती सर्वच उपकरणे आहेत, ज्यांची आपल्याला आवश्यकता आहे. आपल्याकडे सार्वजनिक आरोग्य उपकरणे आणि प्रभावी उपचारासाठी उपकरणे आहे. परंतु, जगाने त्याचा वापर योग्यरित्या केला नाही. एका आठवड्यात 50 हजार जणांचा मृत्यू झाला आहे. यावरुन ही महासाथ संपलेली नाही, असेही त्यांनी स्पष्ट केले.
दरम्यान, जगाला लसीकरणची मोहीम अधिक तेजीने राबविण्याचे आवाहन डब्ल्यूएचओने केले. यापूर्वीही अनेकदा जागतिक आरोग्य संघटनेने कोरोना महासाथीवरुन जगाला इशारा दिला होता.
देशातील कोरोनाची दुसरी लाट हळूहळू ओसरत आहे. कोरोना रुग्णांची संख्या नियंत्रणात आली आहे. मात्र, महाराष्ट्र आणि मध्य प्रदेशची चिंता वाढविणारी माहिती समोर आली आहे. दोन्ही राज्यांमध्ये डेल्टा व्हेरिएंट (अध 4.2) आढळून आला आहे.
मध्य प्रदेशच्या इंदूरमध्ये नव्या व्हेरिएंटचे सात रुग्ण आढळून आल्याचे वृत्त एका इंग्रजी वृत्तपत्राने दिले आहे. नॅशनल सेंटर ऑफ डिजीज कंट्रोलच्या जिनॉम सिक्वन्सिंगग अहवालातून ही माहिती समोर आली आहे. नव्या व्हेरिएंटची लागण झालेल्या सात जणांपैकी दोन जण लष्कराचे अधिकारी असल्याची माहिती मुख्य वैद्यकीय आणि आरोग्य अधिकारी डॉ. बी.एस. सैत्या यांनी दिली. यासोबतच महाराष्ट्रातील एक टक्का नमुन्यांमध्ये हा व्हेरिएंट आढळून आला आहे.
डेल्टा अध 4.2 म्युटेशनवर संशोधन सुरु असल्याची माहिती ब्रिटनच्या आरोग्य सुरक्षा यंत्रणेने 20 ऑक्टोबरला दिली आहे. या व्हेरिएंटच्या प्रसाराचा वेग अधिक आहे. त्यामुळे तणख 21जउढ 01 असे शास्त्रीय नाव देण्यात आले आहे. गेल्या काही महिन्यांपासून या व्हेरिएंटने ब्रिटनमध्ये धुमाकूळ घातला आहे. डेल्टाच्या तुलनेत या व्हेरिएंटच्या प्रादुर्भावाचा वेग जास्त आहे.