एमएससी मांदाड चषकाचा मानकरी

| तळा | वार्ताहर |
तळा तालुका क्रिकेट असोसिएशन आयोजित व अनिकेत वर्टी फाऊंडेशन पुरस्कृत क्रिकेट स्पर्धेत एमएससी मांदाड संघाने अटीतटीच्या सामन्यात फ्रेंड्स ग्रुप तळा संघाचा धुव्वा उठवित चषकावर आपले. दरम्यान, ही स्पर्धा 28 व 29 जानेवारी रोजी बोरघर क्रीडा संकुल व आनंदवाडी मैदानावर आयोजित करण्यात आली होती. स्पर्धेत 48 संघांनी सहभाग घेतला होता. यावेळी माजी पालकमंत्री तथा विद्यमान आमदार आदिती तटकरे यांच्यासह अनेक मान्यवरांनी उपस्थित राहून खेळाला शुभेच्छा दिल्या.

या स्पर्धेतील अंतिम विजेत्या एमएससी मांदाड संघाला एक लाख हजार एकशे अकरा रुपयांचे प्रथम क्रमांकाचे पारितोषिक, द्वितीय 55 हजार पाचशे पंचावन्न रुपयांचे पारितोषिक फ्रेंड्स ग्रुप तळा, तृतीय 33 हजार तीनशे तेतीस रुपयांचे पारितोषिक राधाकृष्ण रहाटाड तर चतुर्थ 22 हजार दोनशे बावीस रूपयांचे पारितोषिक कालिका माता फळशेत या संघाने पटकावले. सर्व विजेत्यांना प्रमुख पाहुणे अनिकेत वर्टी व स्पर्धेचे अध्यक्ष सणस यांच्या हस्ते पारितोषिक वितरण करण्यात आले. याप्रसंगी असोसिएशनचे अध्यक्ष पांडुरंग पाटील, कार्याध्यक्ष राजेश पेलनेकर, सरचिटणीस भरत नाडकर, खजिनदार केतन खुटीकर यांसह पदाधिकारी मोठ्या संख्येने उपस्थित होते.