रिक्षाच्या धडकेत महिला जखमी

| पनवेल | वार्ताहर |

रिक्षाच्या धडकेने एक महिला जखमी झाल्याची घटना शहरातील शिवशंभो नाका परिसरात घडली आहे. रेखा कांबळे (57) ही पनवेल परिसरात राहत असून, ती कामावरून घरी येण्यास निघाली. ती तक्का गाव शिवशंभो नाका येथे रस्ता ओलांडत असताना भरधाव आलेल्या रिक्षाचालकाने तिला धडक दिली. त्यामुळे ती जखमी झाली. याप्रकरणी रिक्षा चालकाविरोधात पनवेल शहर पोलिसांनी गुन्हा दाखल केला आहे.