किरकोळ रागातून मायलेक बेपत्ता

। नेरळ । प्रतिनिधी ।

कर्जत तालुक्यातील नांदगाव गावातील एका महिलेने किरकोळ भांडणाचा राग मनात धरून आपल्या पाच वर्षीय मुलासह घर सोडून बेपत्ता झाली आहे. याप्रकरणी नेरळ पोलीस ठाण्यात तक्रार दाखल करण्यात आली असून, पोलीस अधिक तपास करत आहेत. सोनाली योगेश नंदकर (30) व यश योगेश नंदकर (5) असे बेपत्ता झालेल्यांचे नाव आहे. सोनाली नंदकर यांची उंची 4फूट 6 इंच, रंग गोरा, अंगकाठी मध्यम, केस लांब असून गळ्यात मंगळसूत्र, कानात साध्या रिंगा, हातात हिरव्या रंगाच्या बांगड्या आणि नाकात चमकी पायात पैंजण व राखाडी रंगाची चप्पल परिधान केलेली आहे. पिवळया रंगाची साडी आणि ब्लाऊज घालून घरातून बाहेर पडल्या होत्या. त्यांच्या सोबत असलेल्या मुलगा यश याने हिरव्या रंगाचा शर्ट व पँट तसेच हातात तांब्याचा कडा परिधान केला होता. या प्रकरणी काही माहिती मिळाल्यास नेरळ पोलीस ठाण्याशी संपर्क साधण्याचे आवाहन पोलीस उपनिरीक्षक आर. एल. वसावे यांनी केले आहे.