बचत गटांचा महिलांना आधार
गावोगावी महिलांना मिळतेय रोजगाराचे साधन
| अलिबाग | प्रमोद जाधव |
रायगड जिल्ह्यामध्ये हजारो महिला बचत गट कार्यरत आहेत. पापड, लोणची याच्या पलिकडे जात, बचत गटाच्या माध्यमातून वेगवेगळे व्यवसाय सुरु करण्यात आले. गावा-गावातील महिलांना यातून रोजगाराचे साधन खुले झाले आहे. त्यामुळे महिलांना बचत गटाचा आधार मिळत असल्याचे चित्र दिसून येत आहे.
अलिबागमधील संकल्प सिध्दी महिला बचत गटात दहा महिला कार्यरत असून वेगवेगळ्या रंगाच्या आकाराच्या बॅग आणि रजया तयार करण्याचे काम या बचत गटामार्फत केले जात आहे. वेगवेगळ्या बँकाना लागणाऱ्या बॅगांचे उत्पादन केले जाते. तसेच रझया व पर्सचे उत्पादन देखील केले जात आहे. महिला एकत्र येऊन हे काम करीत असतात. महिन्याला सुमारे 40 हजार रुपयांचे उत्पन्न मिळते. गणपती ते दिवाळीच्या हंगामात या उत्पादनाला प्रचंड मागणी असते. रायगडसह अहमदनगर, सिंधूदुर्ग, पुणे अशा अनेक जिल्ह्यांमध्ये बॅगांना मागणी आहे, असे हर्षदा नगरकर म्हणाल्या.
अलिबाग तालुक्यातील परहूरपाडा येथील जनजागृती महिला बचत गटातील महिलांनी एकत्र येऊन संरक्षक भिंतीसाठी जाळे तयार करण्याचे काम केले जात आहे. सुरुवातीला महिलांनी एकत्र येऊन दहा हजार रुपये वर्गणी गोळा करून हा व्यवसाय सुरू केला. त्यानंतर शासनाकडून त्यांना मोठ-मोठी कामे मिळू लागली. व्यवसायासाठी लागणारे भांडवल बँकेच्या माध्यमातून मिळाल्याने आज महिन्याला एक लाखाहून अधिक रुपयांची उलाढाल या व्यवसायातून होत असल्याची माहिती प्रणाली जोशी यांनी दिली.नागावमधील बापदेव महिला बचत गटातील महिलांच्या मदतीने करवंट्यापासून वेगवेगळया प्रकारच्या वस्तूंचे उत्पादन केले जाते. नागाव येथे त्यांचे युनिट असून करवंटापासून राख्या बनविण्याचे कामदेखील महिला करीत आहेत. वर्षाला सुमारे एक लाखापेक्षा अधिक उलाढाल होत असल्याची माहिती अंजली गुरव यांनी दिली.
ग्रामीण भागातील महिलांना रोजगार प्राप्त व्हावे यासाठी रायगड जिल्हा महिला बचत गट सक्षमीकरण फाऊंडेशनच्या माध्यमातून त्यांना विविध प्रकारचे प्रशिक्षण दिले जाते. त्यामध्ये ब्युटीपार्लर, पेटींग, संगणकीय अशा अनेक प्रकारचे वेगवेगळे प्रशिक्षण देण्यात आले आहेत. त्यातून महिलांना सक्षम केले. त्या स्वतःच्या पायावर उभ्या आहेत. गावापूरता मर्यादीत न राहता त्यांनी तयार केलेल्या खाद्य पदार्थ, वस्तूंची विक्री करतात. यातून त्यांना आर्थिक बळ मिळत आहे. तयार केलेल्या उत्पादनाची विक्री ऑनलाईन पध्दतीने करण्यावरही महिला भर देत आहेत. गावातील अनेक महिला आपल्या व्यवसायातून कुटूंबाचा उदरनिर्वाह चालवित आहेत.
प्रार्थना नागवेकर, व्यवस्थापक,
रायगड जिल्हा महिला बचत गट सक्षमीकरण फाऊंडेशन
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.