तीन महिलांकडून तरुणाला मारहाण
। पुणे । प्रतिनिधी ।
चिखलीतील जाधववाडी येथे जुन्या भांडणाचा राग मनात धरून तीन महिलांकडून एका 22 वर्षीय तरुणाला मारहाण केली. हाताच्या उजव्या अंगठ्याशेजारील बोटाला चावा घेऊन पुढचा भाग तोडला आणि गंभीर दुखापत केल्याची घटना घडली आहे.
महादेव शरणाप्पा गडदे (22) यांनी चिखली पोलीस ठाण्यात फिर्याद दिली आहे. त्यानुसार तीन महिलांसह एका व्यक्ती विरोधात गुन्हा दाखल केला आहे. महादेव व त्यांचा मित्र हे गप्पा मारत बसले होते. यावेळी आरोपी गाडीतून तेथे आले. त्यांनी जुन्या भांडणाच्या कारणावरून महादेव यांना ओढत रोडवर नेले. तिथे त्यांना लाथाबुक्क्यांनी मारहाण केली. तसेच, महादेव यांच्या हाताच्या उजव्या अंगठ्याशेजारील बोटाला चावा घेत गंभीर दुखापत केली.
हे भांडण सोडवण्यासाठी महादेव यांची आई आली असता महादेव यांच्या आईला देखील मारहाण करत शिवीगाळ केली. तसेच, पोलीस ठाण्यात तक्रार दिल्यास सोडणार नाही, अशी धमकी देखील दिली. यावरून चिखली पोलीस ठाण्यात तीन महिलासह चौघाविरोधात गुन्हा दाखल केला आहे. पोलीस हवालदार वरे तपास करीत आहेत.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.