टँकरच्या धडकेत तरुणाचा मृत्यू

। पनवेल । प्रतिनिधी ।

टँकरने दिलेल्या धडकेत मनोज रामजी कांबळे (38) रा. इच्छापूर्ती बिल्डिंग, घरकूल सोसायटी, ऊसर्ली गाव याचा मृत्यू झाला. पनवेल शहर पोलीस ठाण्यात टँकर चालकाविरोधात गुन्हा दाखल करण्यात आला आहे. मनोज कांबळे हा घरातून कामावर जात होता. यावेळी ऊसर्ली गाव येथे आला असता पाण्याचा टँकरवरील चालकाने टँकर वेगाने चालवत मनोजला समोरून धडक दिली. या अपघातात मनोज कांबळे याचा मृत्यू झाला.