परस्परांविरुध्द गुन्हे दाखल; पेण बारा असोसिएशन आक्रमक
| पेण | प्रतिनिधी |
पेण न्यायालयाच्या आवारात एका महिलेने अहद अधिकारी या वकीलावर हल्ला करुन लाथा बुक्क्यांचा प्रसाद दिला आहे. महत्वाची बाब ही दोघेही परस्परांच्या नात्यात येत असून या दोघांनी पेण पोलीस ठाण्यात परस्परांविरोधात गुन्हे दाखल केले आहेत. यातील महिला ही वारस नोंदीसाठी गेली होती, असे तिच्या फिर्यादीमध्ये म्हटले आहे. त्यावेळी अहद अधिकारी यांनी तिचा विनयभंग केल्याचा तिने आपल्या फिर्यादीमध्ये म्हटले आहे. तर, अहद याने आपल्या फिर्यादीमध्ये सांगितले आहे की, यातील महिला ही हबीब खोत यांच्या पत्नीची बहिण असून हबीब खोत विरुध्द तु केस का लढतोस? या पुढे हबीब खोतच्या विरुध्द केस घेतल्यास तुला ठार मारुन टाकू, अशी धमकी देउन न्यायालयाच्या आवारात त्याच्या थोबाडीत मारली, अशी फिर्याद नोंदवली आहे. या दोघांच्या परस्पर विरोधी फिर्यादी पेण पोलीस ठाण्यात नोंद झाल्या असून अधिकचा तपास पोलसी निरीक्षक देवेंद्र पोळ यांच्या मार्गदर्शनाखाली पेण पोलीस ठाणे करीत आहे.
या घटनेचे पडसाद पेण न्यायालयाच्या बारा असोशियनमध्ये पडले असून बारा असोशियनची बैठक झाली आणि पेण बारा असोशियनने अहद अधिकारी या वकीलावर न्यायालयाच्या आवारात झालेल्या भ्याड हल्ल्याचा निषेध व्यक्त करत उपविभागीय पोलीस अधिकारी शिवाजी फडतडे यांच्याकडे निवेदन सादर केला आहे. यावेळी अध्यक्ष भगवान म्हात्रे यांनी प्रसार माध्यमांना सांगितले की, आमच्या वकीलांवर झालेला हल्ला आम्ही खपवून घेणार नाही. वकीलांनी कोणाची केस घ्यावी की न घ्यावी हा आमचा अधिकार आहे. त्यामुळे केस न घ्यायला सांगणे हे आमच्या पेशाविरुध्द आहे हे आम्ही खपवून घेणार नाही. न्यायालयाच्या आवारात असे प्रकार होत असतील आणि असे प्रकार करणाऱ्याविरुध्द कोठारातील कोठर कारवाई होणे गरजेचे आहे. यावेळी बार असोशियनचे सचिव ॲड. आर.आर. म्हात्रे, ॲड. स्वागत पाटील, ॲड. अमित गावंड, ॲड. महेश पाशीलकर, ॲड. भक्ती पाटील आदी उपस्थित होते.