आधारकार्ड नोंदणी व दुरुस्ती शिबीर

। अलिबाग । वार्ताहर ।
आधारकार्डाचे प्रत्येकवेळी शासकीय व अशासकीय पातळीवर लागणारी नितांत गरज लक्षात घेऊन ग्रुप ग्रामपंचायत मापगांव तर्फे ग्रामपंचायत हद्दीतील नागरिकांसाठी सवलतीत आधारकार्ड नोंदणी व दुरुस्ती शिबीर रविवार (दि.2) ते मंगळवार (दि.4) असे तीन दिवस आयोजित केले आहे. या शिबिराचा लाभ नागरिकांनी घ्यावा, असे ग्रामपंचायतीचे सर्वेसर्वा सुनिल थळे यांनी उद्घाटन करताना सांगितले आहे.