न्यायालयाच्या इमारतीचे भूमीपूजन
| म्हसळा । वार्ताहर ।
दिवाणी न्यायालय कनिष्ठ स्तर श्रीवर्धन या न्यायालयाच्या प्रस्तावित नूतन इमारतीचा भूमीपूजन समारंभ उच्च न्यायालय, मुंबई तथा पालक न्यायमूर्ती,जि.रायगड मिलिंद म.साठ्ये यांच्या हस्ते व प्रमुख जिल्हा न्यायाधीश, रायगड-अलिबाग शैलजा सावंत यांच्या अध्यक्षतेखाली रविवार (दि.23) सकाळी 10.30 वाजता संपन्न होणार आहे. गेल्या सुमारे 30 ते 35 वर्षे श्रीवर्धन न्यायालयाची स्वतंत्र वास्तू उभारण्यासाठी विविध स्तरातून प्रयत्न सुरू होते. दि.26 जुलै 2021 रोजीच्या शासन निर्णयानुसार शासनाच्या विधी व न्याय विभागाकडून श्रीवर्धन येथे न्यायालयाची इमारत व न्यायाधीशांसाठी निवासस्थान बांधण्यासाठी प्रशासकीय मान्यता देण्यात आली आहे. त्यानुसार तळमजला अधिक दोन मजले अशी 3512.80 चौरस मीटर इतक्या क्षेत्रफळाची न्यायालयाची इमारत बांधण्यात येणार आहे.
